🌟इंडियन रिपोर्टर्स असोसिएशन तर्फे कलकत्ता येथे राष्ट्रव्यापी पत्रकारांच्या भव्य परिषदेचे आयोजन.....!

🌟महाराष्ट्र प्रदेशाध्यक्ष मदन (बापु) कोल्हे यांचे पत्रकारांना उपस्थित राहण्याचे आवाहन🌟

मुंबई - राष्ट्रीय स्तरावरील पत्रकारितेतील आव्हाने, संधी आणि भविष्यातील शक्यता यावर चर्चा करण्यासाठी ,पत्रकारांचे सर्वात मोठे संघटन असलेल्या इंडियन रिपोर्टर्स असोसिएशन च्या वतीने देशभरातील पत्रकार, संपादक आणि मीडिया तज्ञांसाठी एका भव्य परिषदेचे ,दि. 17 जानेवारी 2025 रोजी कलकत्ता येथे आयोजन करण्यात आले असून या परिषदेमध्ये तमाम पत्रकारांनी सहभागी होण्याचे आवाहन इंडियन रिपोर्टर्स असोसिएशन चे महाराष्ट्र प्रदेशाध्यक्ष मदन(बापू )कोल्हे यांनी केले आहे.न्यू टाऊन हॉल, कलकत्ता येथील हॉटेल ग्रीन व्ह्यू मध्ये संपन्न होत असलेल्या या परिषदेची सुरुवात 17 जानेवारी 2025 रोजी सकाळी 11-00 वाजता दीपप्रज्वलनाने होईल. राष्ट्रीय महासचिव मोहम्मद जहांगीर उपस्थितांचे मनःपूर्वक स्वागत करतील आणि पत्रकारांच्या एकजुटीची व नवकल्पनांची गरज यावर प्रकाश टाकतील.प्रारंभीच्या सत्रामध्ये माध्यमांच्या नैतिकता, सार्वजनिक मतनिर्मितीत पत्रकारांची भूमिका, आणि डिजिटल युगातील पत्रकारितेच्या आव्हानांवर सखोल चर्चा होईल.

या परिषदेमध्ये देशभरामधून आलेल्या पत्रकार ,संपादक व मिडीया तज्ञांसाठी संवादात्मक कार्यशाळेचे आयोजन केले असून त्यामध्ये विभागवार चर्चेचे नियोजन करण्यात आलेले आहे. या वेळी चर्चासत्रात सहभागी झालेले आपले विचार आणि अनुभव कथन करतील.तसेच यावेळी वरिष्ठ पत्रकार आणि डिजिटल मीडिया तज्ञ प्रेरणादायी सत्र आयोजित करतील, ज्यामध्ये सत्यता आणि प्रामाणिकपणाच्या मूलभूत तत्त्वांना तंत्रज्ञानासह कसे जपावे यावर चर्चा होईल.दुपारच्या भोजनानंतर, सहभागी सोशल मीडियाचा प्रभाव, प्रेसचे स्वातंत्र्य सुरक्षित करण्याची  रणनीती, आणि पत्रकारांच्या मानसिक आरोग्यासारख्या महत्त्वाच्या विषयांवर चर्चा होईल.

ही परिषद संध्याकाळी 5:00 वाजता संपेल,परिषदेत सहभागी  झालेले सर्व नवे विचार आणि प्रेरणा घेऊन परततील.या परिषदेच्या माध्यमातून विचारांची एकजूट साधली जाणार आहे.इंडियन रिपोर्टर्स असोसिएशन पत्रकारितेच्या क्षेत्रात नवीन परिमाणे जोडण्यासाठी कटिबद्ध आहे.असोसिएशन चे मान्यवर पदाधिकारी,राष्ट्रीय अध्यक्ष: राजीव भारद्वाज,कार्यकारी अध्यक्ष: एम.अली,उपाध्यक्ष: सरवर जमाल,राष्ट्रीय महासचिव: मोहम्मद जहांगीर,सचिव: जशुवा बाबू यांनी देशभरातील पत्रकारांना या महत्वपूर्ण परिषदेत सहभाग घेण्यासाठी आमंत्रित केले असल्याचे महाराष्ट्र प्रदेश अध्यक्ष मदन (बापू)कोल्हे यांनी कळविले आहे.

💫सहभाग घेण्यासाठी संपर्क :-

ईमेल: officeira65@gmail.com

फोन: +91 9431975010

वेबसाइट: www.indianreportersasso.com