🌟चीन मधील ल मानवी मेटान्यूमो व्हायरसचा जगाला पुन्हा एकदा भयंकर धोका : संपूर्ण जगाला मेटान्यूमो व्हायरसने चिंतेत टाकले...!

🌟देशासह महाराष्ट्र सरकार देखील अलर्ट मोडवर🌟

मुंबई : चीन देशातून उत्पन्न होणाऱ्या जिवघेण्या व्हायरसांमुळे संपूर्ण जग धोक्यात आले असून चीनमधील कोरोना व्हेरिएंटनंतर पुन्हा चीनमध्ये उत्पन्न झालेल्या मानवी मेटान्यूमो व्हायरसने पुन्हा एकदा संपूर्ण जगाला चिंतेत टाकले आहे. महाराष्ट्रात या व्हायरसचा एकही रुग्ण आढलेला नाही. मात्र खबरदारीचा उपाय म्हणून काळजी घेण्याचे आवाहन राज्य सरकारच्या आरोग्य विभागाने केले आहे.

मार्च २०२० मध्ये चीन शहरातून कोरोना व्हेरिएंटचा जगभरात प्रसार झाला. कोरोनाने संपूर्ण जगाला वेठीस धरले होते. योग्य उपचार व आरोग्य विभागाने राबवलेल्या विविध उपाययोजनांमुळे कोरोनावर नियंत्रण मिळवण्यात आरोग्य विभागाला यश मिळाले होते. आता पुन्हा एकदा चीन मध्ये झपाट्याने पसरणाऱ्या मानवी मेटा न्यूमो व्हायरसचा झपाट्याने प्रसार होत आहे. एचएमपीव्ही तीव्र श्वसन संसर्गाचे एक प्रमुख कारण आहे. नेदरलँड्समधील शास्त्रज्ञांनी २००१ मध्ये याची ओळख पटवली होती.

मानवी मेटान्यूमोव्हायरस हा एक सामान्य श्वसन विषाणू आहे. ज्यामुळे वरच्या श्वसन संसर्गास (सर्दीसारख्या) कारणीभूत ठरते. हा एक हंगामी रोग आहे जो सामान्यतः आरएसव्ही आणि फ्लूप्रमाणेच हिवाळा आणि वसंत ऋतूच्या सुरुवातीला उद्भवतो....