🌟हिंगोलीतील जेष्ठ पत्रकार डॉ.विजय निलावार यांचा प्रजासत्ताक दिनी पालकमंत्री नरहरी झिरवळ ह्यांच्या हस्ते सत्कार....!

🌟समाजसेवक जयाजिराव पाईकराव,सौ.मिरा कदम व अभय भारतीया ह्यांचा देखील पालकमंत्र्यांच्या हस्ते सत्कार🌟

 हिंगोली(दि.२४ जानेवारी २०२५) :- डॉ.बाबासाहेब आंबेडकर समाजभूषण पूरस्कारार्थी हिंगोली येथील ज्येष्ठ पत्रकार डॉ.विजय निलावार सह जिल्ह्यातील समाजसेवक जयाजिराव पाईकराव,सौ. मिरा कदम व अभय भारतीया ह्यांचा हिंगोली येथील प्रजासत्तक दिनाच्या शासकीय समारंभात पालकमंत्री ना.नरहरी झिरवाळ ह्यांच्या हस्ते शासनाच्या सामाजिक न्याय विभागाकडून सत्कार करण्यात येणार आहे.                                     

सामाजिक व राष्ट्रीय कार्यात भरीव कामगिरी बजावणाऱ्या समाज सेवकांना भारतीय संविधान ग्रंथ आणि संविधान उद्देशिका देवून सन्मानित करण्याचे सामाजिक न्याय विभागाने ठरवले आहे.डॉ.विजय निलावार हे आकाशवाणी दूरदर्शन (प्रसार भारती) सेवा निवृत्त प्रतिनिधी असून त्यांनी पत्रकारिता, शिक्षण,आरोग्य ,पर्यावरण, ग्राम विकास,ग्राहक हक्क  आदी विविध क्षेत्रात मागील अनेक वर्षा पासून  सातत्याने मोलाची कामगिरी बजावली आहे. त्यांना केंद्र शासनाचा आदर्श युवा पुरस्कार,तर महाराष्ट्र शासनाचा डॉ.बाबासाहेब आंबेडकर समाजभूषण पुरस्कार,राष्ट्रीय अंधत्व नियंत्रण पुरस्कार,आदी सह विविध संस्था संघटनांनी अनेक पुरस्काराने सन्मानित केलं आहे.शासनाच्या संत गाडगे बाबा ग्राम व नागरी स्वच्छता अभियान तसेच राष्ट्रसंत  तुकडोजी महाराज स्वच्छ ग्राम स्पर्धा समितीच्या माध्यमातून मूल्यमापन समिती सदस्य  व महाराष्ट्र शासनाच्या मानव विकास मिशन सदस्य म्हणून अनेक वर्ष कामगिरी बजावली आहे.ते महाराष्ट्र राज्य डॉ.बाबासाहेब आंबेडकर समाजभूषण संघाचे राज्य कार्याध्यक्ष आहेत.उगम ग्राम विकास संस्थाच्या माध्यमातून जयाजीराव पाईकराव ह्यांनी ग्रामीण विकास पर्यावरण संतुलन जल,मृद,संधारण आदी क्षेत्रात मागील अनेक वर्षा पासून हिंगोली जिल्ह्यात  शासनाच्या योजना राबवल्या आहेत.त्यांना अनेक पुरस्काराने सन्मानित करण्यात आले आहे.सौ.मीराताई कदम ह्यांनी अनाथ मुले,आत्महत्या ग्रस्त शेकऱ्यांची मुले दत्तक घेवून सेवासदन बालगृह स्वतःच्या आणि लोकसहभागातून खर्च करून  शासकीय मदती शिवाय कार्यांवित ठेवले आहे.तेथे ७० मुले सध्या लाभ घेत आहेत.अनेकांना  उच्च शिक्षण घेण्याची संधी प्राप्त झाली आहे.त्यांना लोकसत्ताचा दुर्गा पुरस्कार आदी सन्मान मिळाले आहेत. सदभाव सेवाभावी संस्थेचे अध्यक्ष अभयकुमार भारतीया  ह्यांनी वृक्षारोपण ,संगोपन चळवळ चालवली आहे व विविध सामाजिक कार्यक्रमाचे  जनजागरण अभियान राबवले आहे.ह्या चौघांचा सन्मान हिंगोली जिल्ह्याचे पालकमंत्री ना.श्री नरहरी झिरवळ ह्यांच्या हस्ते सामाजिक  न्याय व विशेष सहाय्य विभागा कडून केल्या जाणार असल्याचे पत्र हिंगोली जिल्हा सहाय्यक समाज कल्याण आयुक्त यादव गायकवाड ह्यांनी  सन्मानार्थिना दिले आहे........