🌟भंडारा जिल्ह्यातील ऑर्डिनन्स फॅक्टरीत भिषण स्फोट ; परिसर हादरला....!

🌟भिषण स्फोटात १३ जण दगावल्याची भीती ; आज सकाळी भंडारातील घटना🌟

भंडारा : भंडारा जिल्ह्यातील ऑर्डिनन्स फॅक्टरीमध्ये आज शुक्रवार दि.२४ जानेवारी रोजी सकाळी भीषण स्फोटाची घटना घडली आणि संपूर्ण परिसर स्फोटामुळे हादरले. मोठे आगडोंब उडाले आहे, कारखान्यातील आग विझवण्यासाठी नागपूर महापालिकेच्या अग्निशमन दलाच्या दोन गाड्या दाखल झाल्या आहेत.भंडारा येथील आयुधानसाठी लागणारे स्फोटक पदार्थ निर्माण करणाऱ्या कंपनीत भीषण स्फोट झाला. या स्फोटात १३ जण दगावल्याचा प्राथमिक अंदाज व्यक्त केला जात आहे. हा स्फोट एवढा भीषण होता की, कंपनीच्या परिसरात जबर हादरे जाणवले.

भंडारा असलेल्या शहराजवळ जवाहरनगर परिसरातील ऑर्डनन्स या स्फोटक निर्माण करणाऱ्या कंपनीत आज शुक्रवार दि. २४ जानेवारी रोजी सकाळी ११ च्या सुमारास मोठा स्फोट झाला आहे. फॅक्टरीच्या आर. के. ब्रांच सेक्शनमध्ये हा स्फोट झाल्याची प्राथमिक माहिती आहे. या स्फोटाची तीव्रता इतकी होती की, त्याचा आवाज आणि कंपनामुळे जवळपास ३-४ किलोमीटर पर्यंतचा परिसर हादरला. त्यामुळे या परिसरातील नागरीक भयभीत होऊन घराबाहेर पडून रस्त्यावर थांबले. साबुदाण्यासारखा कच्चा माल जो आरडीएक्स बनवण्यासाठी वापरला जातो. त्यामध्ये हा स्फोट झाल्याची माहिती समोर येत आहे. या घटनेत छत कोसळून १३ ते १४ कामगार अडकल्याची माहिती समोर आली होती. यात पाच जणांचा मृत्यू झाल्याचा प्राथमिक अंदाज व्यक्त केला जात होता. परंतु हा आकडा वाढण्याची भीती देखील व्यक्त केली जात आहे. या दुर्घटनेत पाच जणांना सुखरूप बाहेर काढण्यात आले असून एकाचा दुर्दैवी मृत्यू झाल्याची माहिती मुख्यमंत्री देवेंद्र फडणवीस यांनी 'एक्स'वर दिली आहे. स्फोट झाला तेव्हा तिथे १४ कामगार कार्यरत होते. स्फोट झाल्यानंतर इमारत पूर्णपणे उद्धस्त झाली आहे. इमारतीच्या मलब्याखाली कामगार दबले गेले आहेत. इमारतीच्या छताखाली दबलेल्या पाच जखमींना बचाव पथकाने सुरक्षित बाहेर काढले आहे. जखमींवर शासकीय रुग्णालयात उपचार सुरु आहेत. मिळताच पोलीस अग्निशमन दलाचे अधिकारी आणि कँमनीचे वरिष्ठ अधिकारी घटनास्थळी दाखल झाले. घटनास्थळी युद्धपातळीवर बचावकार्य सुरु करण्यात आले आहे. काही कामगारांना उपचारासाठी रुग्णालयात दाखल करण्यात आले आहे. हा स्फोट नेमका कशामुळे झाला? याचे कारण अद्याप समोर आलेले नाही. जिल्हाधिकारी आणि पोलीस अधीक्षक हे घटनास्थळी असून सर्व प्रकारची मदत पुरवण्यात येत आहे. बचाव कार्यासाठी एसडीआरएफ तसेच नागपूर महापालिकेची चमू सुद्धा पाचारण करण्यात आल्या असून त्या लवकरच पोहोचतील. संरक्षण दलासोबत जिल्हा प्रशासन समन्वयाने मदत कार्यात सहभागी आहे. वैद्यकीय मदतीसाठी सुद्धा चमू सज्ज ठेवल्या आहेत. आतापर्यंत प्राप्त प्राथमिक माहितीनुसार, या घटनेत दुर्दैवाने एका कामगाराचा मृत्यू झाला आहे. मी त्यांना भावपूर्ण श्रद्धांजली अर्पण करतो. त्यांच्या कुटुंबियांच्या दुःखात आम्ही सहभागी आहोत. जखमींच्या प्रकृतीत लवकर सुधारणा व्हावी, अशी ईश्वरचरणी प्रार्थना करतो, असे देवेंद्र फडणवीस यांनी म्हटले आहे........