🌟चीन मधील एचएमपीव्ही या नव्या व्हायरसची भारतात एन्ट्री होताच केंद्र शासनाकडून मार्गदर्शक सूचना जारी...!

 

🌟भारतातही या व्हायरसने प्रवेश केल्याने चिंतेचे वातावरण🌟

नवी दिल्ली :- चीनमधील धोकादायक व्हायरस भारतातही पोहोचला आहे एचएमपीव्हीचा पहिला रुग्ण बंगळुरूत आढळला आह. सध्या चीनमध्ये क्वझत विषाणू खूप खूप वेगाने पसरत असून या रोगाने त्या देशात थैमान घातलं आहे. अनेक भागात परिस्थिती बिकट झाली असून वृद्ध आणि लहान मुलांमध्ये संसर्ग झपाट्याने पसरत आहे. अनेक राज्यांमध्ये आणीबाणी जाहीर करण्यात आली आहे. मात्र आता भारतातही या विषाणूने हातपाय पसरायला सुरूवात केली आहे. बंगळुरूतील एका ८ महिन्याच्या मुलाला कवझत या खतरनाक व्हायरसची लागण झाली असून त्याच्यावर शहरातील एका खासगी रुग्णालयात उपचार सुरू आहेत.

 भारतातही या व्हायरसने प्रवेश केल्याने चिंतेचे वातावरण आहे. याच दरम्यान एचएमपीव्ही आणि श्वसन संक्रमणांशी संबंधित इतर संभाव्य आव्हानांचा सामना करण्यासाठी, तो रोग रोखण्यासाठी दिल्लीत आरोग्य अधिकाऱ्यांनी काही मार्गदर्शक तत्वं जारी केली आहेत. रविवारी झालेल्या बैठकीनंतर काही मार्गदर्शक सूचना जारी करण्यात आल्या होत्या. मिळालेल्या माहितीनुसार, (आरोग्य सेवा) महासंचालकडॉ वंदना बग्गा यांनी रविवारी मुख्य जिल्हा वैद्यकीय अधिकारी आणि आयडीएसपीचे राज्य कार्यक्रम अधिकारी यांची बैठक घेतली. दिल्लीतील श्वसनाच्या आजारांना सामोरे जाण्याच्या तयारीबाबत यावेळी चर्चा करण्यात आली......