🌟विरोधकांनी माझ्यावर केलेल्या गंभीर आरोपांपैकी एक तरी आरोप खरा करून दाखवावा : मंत्री धनंजय मुंडे

🌟बिड जिल्ह्याची बदनामी थांबवा असे आवाहन देखील विरोधकांना मंत्री धनंजय मुंडे यांनी केले🌟

बिड : बिड जिल्ह्यातल्या केज तालुक्यातील मस्साजोगचे सरपंच संतोष देशमुख हत्येनंतर मागील जवळपास दिड पौनेदोन महिन्यांपासून बिड जिल्ह्यासह संपूर्ण राज्यातील राजकीय वातावरण अक्षरशः गढूळ झाल्याचे निदर्शनास येत आहे.सरपंच देशमुख हत्याकांड प्रकरणानंतर राजकीय विरोधकांनी वाल्मीक कराड यांच्यासह राज्याचे अन्न,नागरी पुरवठा व ग्राहक संरक्षण मंत्री धनंजय मुंडे यांना देखील लक्ष्य केले विरोधकांकडून सरपंच देशमुख हत्याकांड प्रकरणात केलेल्या गंभीर आरोपांवर मंत्री धनंजय मुंडे यांनी अत्यंत संयमाची भुमिका घेऊन कुठल्याही प्रकारच्या प्रतिक्रिया देणे टाळले होते परंतु मंत्री धनंजय मुंडे राष्ट्रवादी काँग्रेस पक्षाच्या शिर्डी येथील अधिवेशनासाठी आले असताना त्यांनी मोठे वक्तव्य केले.

'वेळ आल्यावर मी बोलायला कमी पडणार नाही', असा इशारा देखील त्यांनी विरोधकांना दिला तर सारंगी महाजन यांच्या वक्तव्याचा समाचार घेत आरोप फेटाळून लावले. पालकमंत्री पदावर बोलताना मीच अजितदादा पवार यांना बिड जिल्ह्याचे पालकमंत्री पद स्विकारण्याची विनंती केली असेही मंत्री धनंजय मुंडे म्हणाले.पुण्याचा जसा विकास झाला तसा बिड जिल्ह्याचा देखील विकास व्हावा ही माझी निर्मळ भावना आहे असेही मंत्री धनंजय मुंडे म्हणाले यावेळी पुढे बोलताना ते म्हणाले की विरोधकांनी माझ्यावर केलेल्या आरोपांपैकी एक तरी आरोप खरा करून दाखवावा असे आवाहन देखील मंत्री मुंडे यांनी विरोधकांना केले पुढे बोलताना मंत्री मुंडे असेही म्हणाले की बिड जिल्ह्यातील आत्ताची परिस्थीती पाहता बिडमध्ये सामाजिक सलोखा व्यवस्थित व्हायला हवा मला बदनाम करायचंय तर करा मात्र माझ्या बिड जिल्ह्याला बदनाम करू नका अशी विनंती आरोप करणाऱ्यांना मंत्री मुंडे यांनी केली आहे तसेच नात्याने मामी असलेल्या सारंगी महाजन यांचे आरोपही मंत्री धनंजय मुंडे यांनी फेटाळले आहेत........