🌟सरपंच संतोष देशमुख हत्याकांड प्रकरणी संशयित आरोपी वाल्मीक कराडला ७ दिवसांची 'एसआयटी' कोठडी...!

🌟वाल्मीक कराडला केलेली अटक बेकायदेशीर : वाल्मीक कराडच्या वकिलांचा दावा🌟

बीड : बिड जिल्ह्यातल्या केज तालुक्यातील मस्साजोगचे सरपंच संतोष देशमुख निर्घृण हत्याकांड प्रकरणात हात असल्याचा संशय असलेल्या आवादा पवनचक्की खंडणी प्रकरणातील आरोपी वाल्मिक कराडच्या रिमांडवर काल १५ जानेवारी २०२५ रोजी केज न्यायालयाऐवजी बिड जिल्हा व सत्र न्यायालयातील विशेष मकोका न्यायालयात सुनावणी घेण्यात आली या  सुनावणीवेळी तपास अधिकाऱ्यांकडून नवनवीन दाव्यांसह माहिती न्यायालयात सादर करण्यात आली. दोन्ही बाजूंचा युक्तीवाद ऐकल्यानंतर विशेष मकोका न्यायालयाने आरोपी वाल्मिक कराडला ७ दिवसांची एसआयटी कोठडी सुनावली 'एसआयटी' ने आरोपी वाल्मीक कराडला १० दिवस पोलीस कोठडी देण्याची मागणी केली होती.

यावेळी 'एसआयटी'ने न्यायालयासमोर अनेक बाबींचे खुलासे केले आहेत. 'एसआयटी'ने ९ बाबी कोर्टासमोर मांडल्या होत्या आरोपींनी कट रचून मस्साजोगचे सरपंच संतोष देशमुख यांचे अपहरण केले होते तसेच हत्येच्या दिवशी वाल्मिक कराडने संतोष देशमुख यांना धमकी दिली होती, असे 'एसआयटी' ने न्यायालयात सांगितले.

सरपंच संतोष देशमुख यांच्या अपहरणा आधी तिन्ही आरोपींमध्ये दूरध्वनीवरून १० मिनिटे चर्चा झाली होती. संघटित गुन्हेगारीचे हे प्रकरण आहे त्यामुळे आरोपीवर मकोका लावला आहे. तसेच कराडने केलेल्या गुन्ह्यांची यादी 'एसआयटी'ने न्यायालयात सादर केली या प्रकरणातील सर्व आरोपी सराईत गुन्हेगार असल्याचे 'एसआयटी'ने सांगितले.

💫वाल्मीक कराडला केलेली अटक बेकायदेशीर : कराडच्या वकिलांचा दावा :-

आवादा पवनचक्की खंडणी प्रकरणी अटकेत असलेल्या वाल्मीक कराडला न्यायालयात नेत असताना पोलिसांच्या ताफ्यात अन्य चार वाहने शिरली होती याचा तपास आता सुरू करण्यात आला आहे तसेच कराडच्या विदेशी मालमत्ते संदर्भात देखील तपास सुरू करण्यात आला आहे. दुसरीकडे कोणत्याही आरोपीने वाल्मिक कराडचे नाव घेतले नाही. वाल्मिक कराड विरोधात कुठलाही सबळ पुरावा नाही असा युक्तीवाद कराडच्या वकिलांनी केला. वाल्मिक कराडची अटक बेकायदेशीर आहे. त्याच्यावर हत्येचा गुन्हा दाखल होऊ शकत नाही असे वकिलांनी सांगितले.

कराडला बुधवारी 'एसआयटी'ने बीड येथील न्यायालयात हजर केले. त्यावेळी तपास अधिकाऱ्यांनी कराड याच्यावरील गुन्ह्यांची यादी न्यायालयाकडे दिली. कराडवर 'मकोका' का लावण्यात आला याच्यासाठी ही यादी देण्यात आली. विशेष न्यायालयात ही सुनावणी इन कॅमेरा झाली. त्यामध्ये ९ डिसेंबरला संतोष देशमुख यांच्या हत्येच्या दिवशी आरोपी विष्णू चाटे, सुदर्शन घुले आणि वाल्मिक कराड यांच्यात दुपारी ३.२० ते ३.३० वाजता संभाषण झाले होते. त्याचवेळी मयत सरपंच संतोष देशमुख यांचे अपहरण झाले होते आणि त्याच दिवशी संध्याकाळी त्यांचा मृतदेह सापडला होता असे अधिकाऱ्यांनी न्यायालयात सांगितले......