🌟भारतीय रेल्वेची धनलक्ष्मी 'राजधानी एक्सप्रेस' देशातील सर्वात श्रीमंत ट्रेन.....!

🚉'राजधानी एक्सप्रेसची कमाई 1,76,06,66,339 रुपये ; वंदे भारत आणि शताब्दी टॉप 5 मधून बाहेर🚉 

✍️ मोहन चौकेकर  

भारतात जगातील चौथ्या क्रमांकाचे सर्वात मोठे रेल्वे नेटवर्क असून दररोज हजारो प्रवासी एक्स्प्रेस/पॅसेंजर रेल्वे गाड्या भारतात लोहमार्गावरुन धावतात भारतात रेल्वे गाड्यांमध्ये दररोज करोडो लोक प्रवास करतात राजधानी, शताब्दी, दुरांतो, वंदे भारत या सुपरफास्ट ट्रेन व्यतिरिक्त,मेल एक्स्प्रेस आणि पॅसेंजर ट्रेन,लोकल,डीएमयू अशा अनेक ट्रेन्स आहेत.

भारतीय रेल्वे विभाग प्रवासी तिकीट आणि मालवाहतुकीतून मोठ्या प्रमाणात पैसे कमवतो यासाठी प्रत्येक ट्रेनची स्वतःची खासियत असते, पण तुम्हाला माहित आहे का? कोणत्या ट्रेनला सर्वाधिक कमाई होते? म्हणजेच भारतीय रेल्वेची कोणती ट्रेन 'धनलक्ष्मी' आहे ? जर तुम्ही असा विचार करत असाल की वंदे भारत किंवा शताब्दी एक्स्प्रेस रेल्वेच्या सर्वाधिक कमाई करणाऱ्या गाड्यांपैकी एक आहेत, तर तुम्ही चुकीचे आहात. तर उत्तर रेल्वेची सर्वाधिक कमाई करणारी ट्रेन वंदे भारत एक्सप्रेस नसून राजधानी एक्सप्रेस आहे.

कमाईच्या बाबतीत बंगळुरू राजधानी एक्सप्रेस अव्वल आहे. ट्रेन क्रमांक 22692 बंगलोर राजधानी एक्सप्रेस हजरत निजामुद्दीन ते KSR बंगळुरू असा प्रवास करते. 2022-23 मध्ये एकूण 509510 लोकांनी या ट्रेनने प्रवास केला. त्यामुळे जवळपास 1,76,06,66,339 रुपये रेल्वेच्या खात्यात जमा झाले.पश्चिम बंगालची राजधानी कोलकाता आणि राष्ट्रीय राजधानी नवी दिल्लीशी जोडणारी सियालदह राजधानी एक्सप्रेस ही रेल्वेची दुसरी सर्वाधिक कमाई करणारी ट्रेन आहे. ट्रेन क्रमांक 12314 सियालदह राजधानी एक्स्प्रेसने 2022-23 मध्ये 5,09,164 लोकांना त्याच्या गंतव्यस्थानापर्यंत पोहोचवले, ज्यामुळे या ट्रेनची कमाई 1, 28,81,69,274 रुपयांवर पोहोचली.या यादीत दिब्रुगडची राजधानी तिसऱ्या क्रमांकावर आहे. नवी दिल्ली ते दिब्रुगड दरम्यान धावणाऱ्या या ट्रेनने गेल्या वर्षी 4,74,605 प्रवाशांना त्यांच्या गंतव्यस्थानापर्यंत पोहोचवले होते. यामुळे रेल्वेला एकूण 1,26,29,09,697 रुपयांची कमाई झाली होती.

नवी दिल्ली ते मुंबई सेंट्रल दरम्यान धावणारी राजधानी एक्सप्रेस सर्वाधिक कमाई करणाऱ्या टॉप 5 ट्रेनच्या यादीत चौथ्या स्थानावर आहे. ट्रेन क्रमांक 12952 मुंबई राजधानी एक्स्प्रेसने 2022-23 मध्ये 4,85,794 प्रवाशांना त्यांच्या गंतव्यस्थानी पोहोचवले होते, ज्यामुळे रेल्वेच्या खात्यात 1,22,84,51,554 रुपये आले.कमाईच्या बाबतीत, दिब्रुगड राजधानी ही देशातील पाचव्या क्रमांकाची सर्वात फायदेशीर ट्रेन आहे. या ट्रेनने गेल्या वर्षी 4,20,215 प्रवाशांना त्यांच्या गंतव्यस्थानी पोहोचवले आहे. या ट्रेनने 1,16,88,39,769 रुपये कमावले......                                      

 ✍️ मोहन चौकेकर