🌟छत्तीसगडमध्ये २९ नक्षलवाद्यांनी एसपी प्रभात कुमार यांच्यासमोर केले आत्मसमर्पण....!

🌟या नक्षलवाद्यांमध्ये २२ पुरुष आणि ७ महिलांचा समावेश🌟

रायपूर : केंद्रीय गृहमंत्री अमित शहा यांनी पुढील दोन वर्षांत भारत नक्षलवादमुक्त करण्याचे आश्वासन दिले असतानाच, छत्तीसगडमधील कुतुल क्षेत्र समितीच्या तब्बल २९ नक्षलवाद्यांनी नारायणपूरचे एसपी प्रभात कुमार यांच्यासमोर आत्मसमर्पण केले या नक्षलवाद्यांमध्ये २२ पुरुष आणि ७ महिलांचा समावेश आहे.

नारायणपूरचे एसपी प्रभात कुमार म्हणाले की, प्रशासन नक्षलवादाच्या विरोधात आंदोलन करत आहे. याचा परिणाम म्हणून सामाजिक बदल घडून येऊ शकतो, असेही ते म्हणाले. आम्ही नक्षलवादाच्या विरोधात चळवळ चालवत आहोत. याअंतर्गत प्रभावी ऑपरेशन्स राबवून विकासकामेही करण्यात आली आहेत. याचा परिणाम म्हणून कुतुल परिसरात सामाजिक परिवर्तन घडताना दिसत आहे. नक्षल कारवायांमध्ये सामील असलेले लोक आत्मसमर्पण करत आहेत. नक्षल कारवायांमध्ये सक्रिय सहभागी असलेल्या २९ जणांनी आत्मसमर्पण केले आहे, असेही त्यांनी सांगितले.......