कोलकाता :- पश्चिम बंगालमधील कोलकत्यात आर.जी.कर वैद्यकीय महाविद्यालयात प्रशिक्षणार्थी डॉक्टर महिलेवर बलात्कार करुन खून केल्या प्रकरणी प. बंगाल राज्यातील सीयालदह सत्र न्यायालयाने दोषी ठरविले आहे. याप्रकरणात शिक्षेसाठी पुढील सुनावणी सोमवार दि.२० जानेवारी रोजी होणार आहे.अवघ्या पाच महिन्यात या प्रकरणाचा निकाल लागला आहे. कोलकत्यात महिला डॉक्टरवर झालेला बलात्कार आणि खुनाचे पडसाद संपूर्ण देशभर उमटले होते.कोलकाताच्या आर. जी. कर महाविद्यालयातील ट्रेनी डॉक्टर महिलेवर मागच्या वर्षी ९ ऑगस्ट २०२४ रोजी या महाविद्यालयाच्या सेमीनार हॉलमध्ये एका महिला डॉक्टरचा मृतदेह आढळून आला होता. पोलीस तपासात सदरील महिला डॉक्टरवर बलात्कार करुन खून केल्याची निष्पन्न झाले होते हा मृतदेह अत्यंत छिन्नविछिन्न अवस्थेत आढळल्यामुळे पश्चिम बंगाल आणि संपुर्ण देशात एकच खळबळ उडाली होती.
देशभरात या घटनेचा निषेध व्यक्त करण्यात आला होता. कोलकाता पोलिसांचा नागरी स्वंयसेवक म्हणून काम करणाऱ्या संजय रॉयने गुन्हा केल्यानंतर दुसऱ्या दिवशी ९ ऑगस्ट २०२४ रोजी त्याला अटक करण्यात आली होती. आज सुनावणी झाल्यानंतर न्यायाधीशांनी सांगितले की, आम्ही सर्व पुरावे आणि साक्षीदार तपासले आहेत. तसेच वकिलांचा युक्तिवादही ऐकला. या सर्वांच्या आधारे आरोपी दोषी असल्याचे सिद्ध होते. त्यामुळे त्याला शिक्षा झालीच पाहीजे. सत्र न्यायालयात सुनावणीदरम्यान आरोपी संजय रॉयने प्रश्न विचारला की, ज्यांनी मला फसवले, त्यांना का सोडले जात आहे? यावर न्यायाधीशांनी सोमवारी त्याच्या वकिलांचा युक्तिवाद ऐकणार असल्याचे सांगितले. तोपर्यंत संजय रॉयची रवानगी न्यायालयीन कोठडीत करण्यात आली. संजय रॉयचा इशारा आर. जी. कर महाविद्यालयाचे प्राचार्य संदिप घोष यांच्याकडे होता. ज्यांना पुराव्यात फेरफार केल्याप्रकरणी अटक करण्यात आली होती. मात्र कालांतराने त्यांना जामीनावर सोडण्यात आले. कोलकाता येथील आर. जी. कर रुग्णालयात ट्रेनी डॉक्टर म्हणून काम करणारी एक महिला डॉक्टर ८ ऑगस्टच्या रात्री उशिरा शिफ्ट संपल्यानंतर आराम करण्यासाठी सेमिनार हॉलमध्ये गेली होती. ९ ऑगस्टला सकाळी तिचा मृतदेह सेमिनार हॉलमध्ये आढळून आला. मृतदेहाचे
शवविच्छेदन करण्यात आले तेव्हा कळले की, तिच्यावर बलात्कार करुन तिची हत्या करण्यात आली. तिच्या शरीरावर २५ जखमा होत्या. संजय रॉयनेच या डॉक्टरवर आधी बलात्कार केला आणि त्यानंतर अत्यंत क्रूरपणे तिची हत्या केली. तसेच मृतदेहाची विटंबना केली. सीसीटीव्ही फुटेजमध्ये संजय रॉय सेमिनार हॉलमध्ये गेला होता आणि नंतर पहाटे ४.३० च्या सुमारास बाहेर आला हे दिसले होते.......
0 टिप्पण्या