🌟चीन मधील एमएमपीव्ही व्हायरस बाबत महाराष्ट्र सरकारकडून राज्यातील नागरिकांसाठी सूचना जारी....‌!

🌟नागरिकांनी घाबरून जावू नये वैयक्तिक स्वच्छता पाळून काळजी घ्यावी - सार्वजनिक आरोग्य मंत्री प्रकाश आबिटकर

मुंबई :- चीन मध्ये जोमाने पसरत असलेला एचएमपीव्ही हा विषाणू नवीन नसून २००१ पासून प्रचलित आहेत. नागरिकांनी कुठल्याही प्रकारे घाबरून जावू नये. वैयक्तिक स्वच्छता पाळून काळजी घ्यावी, असं आवाहन सार्वजनिक आरोग्य मंत्री प्रकाश आबिटकर यांनी केलं आहे. सार्वजनिक आरोग्य मंत्री प्रकाश आबिटकर आणि वैद्यकीय शिक्षण मंत्री हसन मुश्रीफ यांनी मंत्रालयात संयुक्तरीत्या पत्रकार परिषद घेतली. यावेळी ते बोलत होते. केंद्र शासनाच्या याबाबतीत येत असलेल्या दिशा निर्देश आणि मार्गदर्शनानुसार पुढील कार्यवाही करण्यात येत आहे. या आजाराबाबत कोणीही अफवा पसरवू नये. नागरिकांनी वस्तुस्थिती लक्षात घेत अफवांवर विश्वास ठेवू नये, असं आवाहन आरोग्य मंत्र्यांनी केलं.....