🌟मुंबई-नांदेड तपोवन रेल्वे एक्स्प्रेस चालकाच्या दक्षतेमुळे मोठी दुर्घटना टळली....!

🌟सारसवाडी-कोडी दरम्यान क्रॉसिंगवरील रेल्वे रुळावर मालवाहू ट्रक अडकल्याचे लक्षात येताच चालकाने वेळीच ब्रेक लावला🌟

छत्रपती संभाजीनगर (दि.३१ जानेवारी २०२५) : मुंबई-नांदेड तपोवन एक्स्प्रेस आज शुक्रवार दि.३१ जानेवारी रोजी जालना येथून सारसवाडी ते कोडी दिशेने धावत असतांनाच रेल्वे क्रॉसिंगवरील रेल्वे रुळावर ०३.०० वाजेच्या सुमारास मालवाहू ट्रक अडकला असल्याचे चालकाच्या निदर्शनास आले चालकाने प्रसंगावधान राखून ब्रेक लावल्याने सुदैवाने फार मोठी दुर्घटना ठळली.

  या संदर्भात सविस्तर माहिती अशी की मुंबई ते नांदेड तपोवन एक्सप्रेस गाडी संख्या क्रमांक (१७६१७) जालन्याच्या पुढे सारसवाडी ते कोडी शिवारातून धावत असतांना एका क्रॉसिंगवर एक मालवाहू ट्रक क्रमांक एम.एच.२१ डी.९२७५ रेल्वे पटरीवर अडकलेल्या अवस्थेत असल्याचे रेल्वे चालकास निदर्शनास आले यावेळी रेल्वे चालकाने प्रसंगावधान दाखवून जवळपास १०० मीटर अंतरावर गाडीला ब्रेक केले त्यामुळे तपोवन एक्स्प्रेस रेल्वे क्रॉसिंगपूर्वीच थांबली परिणामी मोठा अनर्थ टळला. तपोवन एक्सप्रेसमधील प्रवाशांनी क्रॉसिंगकडे धाव घेवून तो ट्रक पाहून सुटकेचा निश्‍वास सोडला रेल्वे चालकाने तात्काळ संबंधितांना या घटने संदर्भात माहिती दिली.

          दरम्यान ट्रकचा चालक घटना स्थळावरुन फरार झाला रेल्वे प्रवाशांनी दिलेल्या माहितीनुसार तपोवन एक्स्प्रेस त्या ठिकाणी जवळपास एक तास खोळंबली होती......