🌟हिंगोलीतील ज्येष्ठ पत्रकार डॉ.विजय निलावार ह्यांचा प्रजासत्ताक दिनी पालकमंत्री नरहरी झिरवळ ह्यांच्या हस्ते सत्कार.....!

🌟सामाजिक न्यायविभागाकडून करण्यात आला पालकमंत्र्यांच्या हस्ते सत्कार🌟                                     

हिंगोली(दि.२६ जानेवारी २०२५) :- हिंगोली येथील डॉ.बाबासाहेब आंबेडकर समाजभूषण पूरस्कारार्थी ज्येष्ठ पत्रकार डॉ.विजय निलावार ह्यांचा हिंगोली येथील प्रजासत्ताक दिनाच्या शासकीय ध्वजारोहण समारंभात पालकमंत्री ना.नरहरी झिरवळ ह्यांच्या हस्ते शासनाच्या सामाजिक न्यायविभागा कडून सत्कार करण्यात आला या प्रसंगी खासदार नागेश पाटील आष्टीकर,हिंगोलीचे आमदार तानाजीराव मुटकुळे, कळमनुरीचे   आमदार संतोष बांगर ,  जिल्हाधिकारी अभिनव गोयल,पोलीस अधीक्षक श्रीकृष्ण कोकाटे,समाज कल्याण सहायक आयुक्त यादवराव गायकवाड आदी उपस्थित होते.                         

सामाजिक व राष्ट्रीय कार्यात भरीव कामगिरी बजावणाऱ्या समाज सेवकांना भारतीय संविधान ग्रंथ आणि संविधान उद्देशिका देवून सन्मानित करण्याचे  सामाजिक न्याय विभागाने निर्देशित केले होते. डॉ.विजय निलावार हे आकाशवाणी दूरदर्शन (प्रसार भारती) सेवा निवृत्त प्रतिनिधी असून त्यांनी पत्रकारिता, शिक्षण,आरोग्य ,पर्यावरण, ग्राम विकास,ग्राहक हक्क  आदी विविध क्षेत्रात मागील अनेक वर्षा पासून  सातत्याने मोलाची कामगिरी बजावली आहे. त्यांना केंद्र शासनाचा आदर्श युवा पुरस्कार,तर महाराष्ट्र शासनाचा डॉ.बाबासाहेब आंबेडकर समाजभूषण पुरस्कार,राष्ट्रीय अंधत्व नियंत्रण पुरस्कार,आदी सह विविध संस्था संघटनांनी अनेक पुरस्काराने सन्मानित केलं आहे.शासनाच्या संत गाडगे बाबा ग्राम व नागरी स्वच्छता अभियान तसेच राष्ट्रसंत  तुकडोजी महाराज स्वच्छ ग्राम स्पर्धा समितीच्या माध्यमातून मूल्यमापन समिती सदस्य  व महाराष्ट्र शासनाच्या मानव विकास मिशन सदस्य म्हणून अनेक वर्ष कामगिरी बजावली आहे.ते महाराष्ट्र राज्य डॉ.बाबासाहेब आंबेडकर समाजभूषण संघाचे राज्य कार्याध्यक्ष आहेत. ह्या व अन्य सामाजिक आणि राष्ट्रीय सेवाकार्या बद्दल त्यांचा सन्मान हिंगोली जिल्ह्याचे पालकमंत्री ना.श्री नरहरी झिरवळ ह्यांच्या हस्ते सामाजिक आणि राष्ट्रीय सेवाकार्या  बद्दल करण्यात आला.भारतीय संविधान ग्रंथ आणि उदेशिका देवून शासनाकडून प्रजासत्ताक  दिनी सन्मान झाल्याने हर घर संविधाना बाबत जनजागरण करण्याचे कार्य  जीवनातील शेवटच्या श्वासापर्यंत करेन असे उदगार डॉ.विजय  निलावार ह्यांनी काढले.हिंगोली जिल्ह्याचे पालक मंत्री ना.नरहरी झिरवळ, आमदार तानाजीराव मुटकुळे,आमदार संतोषराव बांगर ह्यांना महाराष्ट्र राज्य डॉ.बाबासाहेब आंबेडकर समाजभूषण संघाच्या मागण्यांचे निवेदन  ह्या लोकप्रतिनिधींच्या माध्यमातून मुख्यमंत्री ना. देवेंद्र फडणवीस,उपमुख्यमंत्री ना.एकनाथराव शिंदे व ना.अजितदादा पवार,सामाजिक न्यायमंत्री ना.संजय शिरसाट,परिवहन मंत्री ना.प्रतापराव सरनाईक,ना.भरतशेठ गोगावले आदींना देण्यात आले. सहाय्यक समाज कल्याण आयुक्त यादव गायकवाड सह जिल्हा प्रशासन,पत्रकार,समाजसेवक व विविध संघटनांच्या मंडळींनी त्यांचं अभिनंदन केलं आहे. हा सन्मान माझा एकट्याचा नसून राज्यातील सर्व समाजभूषण पुरस्कारार्थिंचा  संघाचा  सन्मान आहे अस डॉ.बाबासाहेब आंबेडकर समाजभूषण संघाचे राज्य कार्याध्यक्ष समाजभूषण डॉ. विजय निलावार  ह्यांनी म्हंटल आहे......