🌟परळी शहरातील एका व्यक्तीची ऑनलाइन फसवणूक : हॉटेल रेटिंगच्या नावाखाली 1.34 लाखांची लूट....!

 

🌟याप्रकरणी बीडच्या सायबर पोलीस ठाण्यात गुन्हा दाखल🌟

परळी (दि.३० जानेवारी २०२५) :- परळी शहरातील एका व्यक्तीची हॉटेल रेटिंगच्या नावाखाली तब्बल 1.34 लाख रुपयांची फसवणूक करण्यात आली आहे याप्रकरणी बीडच्या सायबर पोलीस ठाण्यात गुन्हा दाखल झाला आहे.

💫काय आहे प्रकरण ? :-

सय्यद माजिद मोईनुद्दीन (वय 45) यांना एका मोबाईल क्रमांकावरून व्हाट्सअप मेसेज आला 'हॉटेलला रेटिंग द्या आम्ही तुम्हाला 150 रुपये देऊ' असे आमिष दाखवण्यात आले. त्यानंतर त्यांना टेलिग्राम लिंकवर जॉईन होण्यास सांगण्यात आले. तिथे त्यांना गुंतवणुकीवर जास्त नफा देण्याचे आमिष दाखवण्यात आले.

💫कशी झाली फसवणूक ? :-

सुरुवातीला सय्यद यांनी 2000 रुपये गुंतवले. त्यावर त्यांना 2800 रुपये मिळाले. त्यामुळे त्यांचा विश्वास वाढला. त्यानंतर त्यांना वेळोवेळी वेगवेगळ्या अकाउंटवर पैसे भरण्यास सांगण्यात आले. अशाप्रकारे त्यांनी 1.34 लाख रुपये गुंतवले. मात्र, त्यानंतर त्यांना कोणतीही रक्कम परत मिळाली नाही. आपली फसवणूक झाली आहे हे लक्षात येताच सय्यद यांनी सायबर पोलीस ठाण्यात तक्रार दाखल केली आहे.

💫पोलिसांचे आवाहन :-

अनोळखी व्यक्तींकडून येणाऱ्या कोणत्याही ऑफर्सला बळी पडू नका, असे आवाहन पोलिसांनी केले आहे. तसेच, ऑनलाईन फसवणुकीच्या बाबतीत तात्काळ पोलिसांना संपर्क साधावा, असेही त्यांनी म्हटले आहे.....