🌟आरक्षणच्या माध्यमातून गोरगरीब मराठा मुल मुली अधिकारी झाले पाहिजेत.....!

🌟आरक्षण साठी मी अखेरच्या क्षणा पर्यंत लढणार - मराठा योध्दा मनोज जरांगे पाटील

पुर्णा (दि.२५ डिसेंबर २०२४) मी कधीच जातीवाद केलेला नाही. गरजवंत मराठा समाजातील लेकरं मला आरक्षणाच्या माध्यमातून अधिकारी झालेले पाहायचे आहेत. आरक्षण घेतल्याशिवाय सोडणार नाही आणि तोपर्यंत स्वस्थही बसणार नाही. अखेरच्या क्षणापर्यंत लढत राहणार आहे. समाजावर कोणतंही संकट येऊ द्या. मी ते परतवून लावण्यासाठी सदैव तत्पर आहे. समाजाची साथ मी मरेपर्यंत विसरणार नाही, अशी ग्वाही मराठा आंदोलनाचे नेते मनोज जरांगे-पाटील यांनी दिली.

पूर्णा तालुक्यातील आलेगाव सवराते येथे आज बुधवार दि.२५ डिसेंबर रोजी सकाळी ११.३० च्यादरम्यान अखंड हरिनाम सप्ताहाच्या सांगता कार्यक्रमात ते बोलत होते ते पुढे म्हणाले की मराठा समाजासाठी आरक्षण मिळवून देण्यासाठी मी लढतोय, म्हणून सरकारने वेगवेगळी षड्यंत्र रचून मला जेलमध्ये टाकण्याचा प्रयत्न केला. परंतू, महाराष्ट्रातील माझ्या तमाम सकल मराठा बांधवांच्या एकजुटीमुळे त्यांचे षड्यंत्र हवेत विरले. मागील अनेक वर्षांपासून मराठा आरक्षणासाठी कशाचीच पर्वा न करता जीवाची बाजी लावून लढतोय. हेच सरकारला पटत नाही. अनेक आव्हाने पेलून सरकारच्या विरोधात जाऊन तुमच्या पाठबळावर लढतो आहे. उपोषणे करुन माझे शरीर मला साथ देत नाही. मी मेलो तरी चालेल, परंतु माझे लाख वाचले पाहिजेत. 

ते पुढे म्हणाले की, येत्या २५ जानेवारी रोजी अंतरवाली सराटी येथे पुन्हा आमरण उपोषणाला बसत आहे. तेथे लाखोंच्या संख्येने उपस्थित राहण्याचे आवाहन त्यांनी उपस्थितांना केले. या प्रसंगी ह.भ.प. अच्युत महाराज दस्तापुरकर व ग्रामस्थांनी त्यांचे स्वागत केले. कार्यक्रमास हजारो पुरुष व युवक,अणि महिलांची उपस्थिती हजारोच्या  संख्येत होती.सरकारच्या विरोधात जाऊन तुमच्या पाठबळावर लढतो आहे. उपोषणे करुन माझे शरीर मला साथ देत नाही. मी मेलो तरी चालेल, परंतु माझे लाख वाचले पाहिजेत ते पुढे म्हणाले की,येत्या २५ जानेवारीरोजी अंतरवाली सराटी येथे पुन्हा आमरण उपोषणाला बसत आहे. तेथे लाखोंच्या संख्येने उपस्थित राहण्याचे आवाहन त्यांनी उपस्थितांना केले. या प्रसंगी हभप अच्युत महाराज दस्तापुरकर व ग्रामस्थांनी त्यांचे स्वागत केले. कार्यक्रमास हजारो पुरुष व महिलांची उपस्थिती होती......