🌟महाराष्ट्र राज्याचे काळजीवाहू मुख्यमंत्री एकनाथ शिंदे यांच्या नियोजित सर्व बैठका रद्द...!

🌟 सत्ताधारी महायुतीत राज्यातील गृहमंत्री पदावरुन संभ्रमावस्था🌟

मुंबई/ठाणे : महाराष्ट्र राज्याचे काळजीवाहू मुख्यमंत्री तथा शिवसेना राष्ट्रीय नेते एकनाथ शिंदे यांची तब्येत खराब असल्याने डॉक्टरांनी त्यांना आराम करण्याचा सल्ला दिला आहे. त्यामुळे महायुतीतील प्रमुख नेत्यांसह मुख्यमंत्री एकनाथ शिंदे यांच्या सर्व बैठका अचानक रद्द झाल्याने राजकीय वर्तुळात उलट-सुलट चर्चांना उधान आले आहे. एकीकडे भाजपने ५ डिसेंबर सायंकाळी ५ वाजता सत्ता स्थापनेचा मुहूर्त निश्चित केला. दुसरीकडे महायुतीतील प्रमुख नेत्यांची बैठक दिल्लीवारी नंतर सातत्याने लांबत आहे. एकनाथ शिंदे यांची शिवसेना गृहमंत्रीपदासाठी अडून असल्यानेच सत्ता स्थापनेला विलंब होत असल्याचे राजकीय जाणकारांचे म्हणणे आहे

काळजीवाहू मुख्यमंत्री एकनाथ शिंदे यांची तब्येत खराब असल्याने डॉक्टरांनी त्यांना आराम करण्याचा सल्ला दिला आहे. त्यामुळे महायुतीतील प्रमुख नेत्यांसह मुख्यमंत्री एकनाथ शिंदे यांच्या सर्व बैठका अचानक रद्द झाल्याने राजकीय वर्तुळात उलट-सुलट चर्चांना उधान आले आहे. एकीकडे भाजपने ५ डिसेंबर सायंकाळी ५ वाजता सत्ता स्थापनेचा मुहूर्त निश्चित केला. दुसरीकडे महायुतीतील प्रमुख नेत्यांची बैठक दिल्लीवारी नंतर सातत्याने लांबत आहे. एकनाथ शिंदे यांची शिवसेना गृहमंत्रीपदासाठी अडून असल्यानेच सत्ता स्थापनेला

विधानसभा निवडणुकीचे निकाल लागून दहा दिवस उलटले. अजूनही महायुतीच्या सत्ता स्थापनेच्या हालचालींना फारसा वेग आलेला दिसत नाही. राज्यातील मतदारांनी महायुतीला भरभरुन मतदान केले. १४५ चा जादुई आकड्याची गरज असतांना महायुतीकडे २३२ जागा मिळाल्या. निकालानंतर काही दिवस मुख्यमंत्री पदावर शिवसेना आणि भाजपमध्ये रस्सीखेच असल्याची चर्चा होती. या चर्चांना काळजीवाहू मुख्यमंत्री एकनाथ शिंदे यांनी पत्रकार परिषद घेवून पूर्णविराम दिला.

त्यानंतर एकनाथ शिंदेंसह देवेंद्र फडणवीस, अजित पवार यांनी दिल्लीत जावून भाजपचे वरिष्ठ नेते तथा केंद्रीय गृहमंत्री अमित शहा यांची भेट घेतली होती. दिल्लीहून परत आल्यानंतर मुंबईत महाराष्ट्रातील महायुतीच्या नेत्यांची अर्थात काळजीवाहू मुख्यमंत्री एकनाथ शिंदे, देवेंद्र फडणवीस आणि अजित पवार एकत्र बसून मंत्रीपदाच्या वाटपावर बैठकीत चर्चा करणार होते अशी माहिती शहा यांच्या भेटीनंतर तिन्ही नेत्यांनी दिली होती परंतु दिल्लीतून परतताच काळजीवाहू मुख्यमंत्री एकनाथ शिंदे आपल्या गावाकडे निघून गेले. दोन दिवसांच्या विश्रांतीनंतर रविवारी सायंकाळी ते मुंबईत दाखल झाले. आज त्यांची मंत्रीमंडळाच्या खातेवाटप आणि मंत्रीमंडळाच्या शपथविधी बाबत देवेंद्र फडणवीस आणि अजित पवारांसोबत बैठकीचे नियोजन करण्यात आले होते. त्याचसोबत शिवसेनेच्या नेते व इच्छुक मंत्री आणि आमदारांची बैठक देखील मुख्यमंत्री शिंदे घेणार होते. आज सकाळी अचानक त्यांच्या सर्व नियोजित बैठका रद्द करण्यात आल्याचे मुख्यमंत्र्यांच्या निवासस्थानातून सांगण्यात आले.

 मुख्यमंत्री एकनाथ शिंदे हे त्यांच्या ठाणे येथील निवासस्थानी आहेत. डॉक्टरांनी एकनाथ शिंदे यांना आराम करण्याचा सल्ला दिला आहे. शिंदे यांची प्रकृती अद्याप पूर्ण बरी नाही. आज ते कोणालाही भेटणार नाहीत असे सकाळी सांगण्यात आले ५ डिसेंबरला मुख्यमंत्र्यांचा शपथविधी होईल, असं भाजपकडून जाहीर करण्यात आलं आहे पण मुख्यमंत्रिपदापासून अन्य खात्यांचा तिढा कायम आहे. त्यात शिंदेंनी आजच्या सगळ्या बैठका रद्द केल्यानं चर्चा पुन्हा एकदा रखडली आहे. गावी गेल्यानंतर शिंदेंची प्रकृती बिघडली डॉक्टरांच्या पथकानं त्यांच्यावर उपचार सुरु केले. यानंतर १ डिसेंबरला एकनाथ शिंदे ठाण्यात परतले सत्ता स्थापनेचे सर्वाधिकार भाजप नेतृत्त्वाला दिले असल्याचा पुनरुच्चार त्यांनी दरे गावातून निघताना केला. सत्ता स्थापनेत माझा कोणताही अडसर नाही. भाजप नेतृत्त्वाचा निर्णय मला आणि माझ्या शिवसेनेला मान्य असेल असं शिंदे म्हणाले. गावातून निघताना त्यांनी माध्यमांच्या प्रतिनिधींशी संवाद साधताना सांगितले होते. आज मुख्यमंत्री ठाण्यात आहेत. ते त्यांच्या निवासस्थानी विश्रांती घेत आहेत. शिवसेनेच्या आमदारांची बैठक शिंदे आज घेणार होते पण शिंदे यांची प्रकृती पाहता बैठक होण्याची शक्यता अतिशय कमी आहे.सत्ता स्थापनेच्या दृष्टीनं आज महायुतीची महत्त्वाची बैठक प्रस्तावित होती. एकनाथ शिंदे हे देवेंद्र फडणवीस, अजित पवार यांच्याशी चर्चा करणार होते. पण ही बैठक होण्याची शक्यताही अतिशय कमी आहे......