🌟ज्येष्ठ तबलावादक झाकीर हुसेन यांचे निधन : कला विश्वावर शोककळा....!

🌟अमेरिकेतील सॅन फ्रान्सिस्को रुग्णालयात घेतला अखेरचा श्वास🌟 

✍️ मोहन चौकेकर 

 देशाच्या कलाविश्वावर शोककळा पसरवणारी अतिशय हृदयद्रावक बातमी समोर आली आहे. प्रसिद्ध तबलावादक आणि ज्येष्ठ कलाकार उस्ताद झाकीर हुसेन यांचं निधन झाल्याची माहिती समोर आली आहे. उस्ताद झाकीर हुसेन यांची प्रकृती खालावल्याने त्यांना अमेरिकेतील सॅन फ्रान्सिस्को रुग्णालयात दाखल करण्यात आल्याची माहिती समोर आली होती. पण त्यांची आता प्राणज्योत मालवल्याची दुर्दैवी बातमी समोर आली आहे.

उस्ताद झाकीर हुसेन गेल्या काही वर्षांपासून हृदयविकाराच्या आजाराचा सामना करत होते. त्यांची प्रकृती बिघडल्याने त्यांना रुग्णालयात दाखल करण्यात आले होते. पण उपचारादरम्यान त्यांचा मृत्यू झाला आहे. त्यांनी वयाच्या 73 व्या वर्षी अखेरचा श्वास घेतला. त्यांच्या मृत्यूमुळे कला विश्वात मोठी पोकळी निर्माण झाली आहे.

झाकीर हुसेन हे प्रसिद्ध तबलावादक अल्लाह राखा खान यांचे पुत्र होत. उल्लेखनीय म्हणजे त्यांनी अनेक प्रसिद्ध भारतीय आणि परदेशी चित्रपटांना संगीत दिलं आणि चित्रपटांसाठी तबला साथ दिली. झाकीर हुसैन यांनी वयाच्या ७ व्या वर्षी तबला शिकण्यास सुरुवात केली आणि वयाच्या १२ व्या वर्षी देशभरात फिरताना त्यांनी परफॉर्म करण्यास सुरुवात केली होती......                       

✍️ मोहन चौकेकर