🌟मस्साजोगचे निर्घृण हत्या झालेले सरपंच संतोष देशमुख यांच्या मुलांच्या शिक्षणाची जबाबदारी सरकारने उचलावी...!

🌟शिवसंग्राम अध्यक्षा डॉ ज्योती विनायक मेटे यांची मुख्यमंत्री देवेंद्र फडणवीस यांच्याकडे मागणी🌟 

बिड :- बिड जिल्ह्यातल्या केज तालुक्यातील मस्साजोग येथील निर्घृण हत्या झालेले तरुण सरपंच संतोष देशमुख यांच्या प्रकरणांमध्ये राज्याचे मुख्यमंत्री देवेंद्र फडणवीस यांनी सदनांमध्ये उत्तर देत असताना संबंधित आरोपी विरुद्ध मोक्का लावण्याची केलेली घोषणा तसेच एसआयटी व न्यायालयीन चौकशीची केलेली घोषणा महाराष्ट्राच्या गृहमंत्री या नात्याने त्यांच्या संवेदनशीलतेचे प्रतिक आहे. कुटुंबीयांना त्यांनी आर्थिक मदत देखील जाहीर केलेली आहे. याकरिता राज्याच्या मुख्यमंत्र्याचे मनःपूर्वक आभार व्यक्त करत शिवसंग्राम अध्यक्ष डॉ.ज्योती विनायकराव मेटे यांनी मयत सरपंच संतोष देशमुख यांच्या मुलांच्या शिक्षणाची जबाबदारी सरकारने उचलावी अशी मागणी थेट मुख्यमंत्र्यांकडे केली आहे.

संतोष देशमुख यांच्या निधनानंतर देशमुख कुटुंबियांचा करता आणि कमविता घरातील व्यक्ती गेला आहे त्यामुळे या कुटुंबाच्या पुढील जीवनात अनेक अडचणी निर्माण होणार आहेत देशमुख कुटुंब पूर्णपणे संतोष देशमुख यांच्यावर अवलंबून होते त्यांच्या जाण्याने आता त्यांच्या मुलांच्या शिक्षणाचा प्रश्न देखील उभा राहिला आहे. त्यामळे संतोष देशमुख यांच्या मुलांचे शैक्षणिक खर्चासाठी तरतुदी करिता शासनाकडून विशेष बाब म्हणून त्यांचे शैक्षणिक शुल्क अदा करणे तसेच अनुषंगिक खर्च देण्याबाबत विचार करण्यात यावा अशी मागणी देखील डॉ ज्योती मेटे यांनी केली.....