🌟डॉ.मनमोहनसिंघ यांनी केली छायाचित्रकार विजय होकर्णे यांच्या स्फूर्त कार्याची स्तुति....!

 

🌟विजय होकर्णे यांनी तो प्रसंग आठवत डॉ.मनमोहनसिंघ यांच्या विनम्रते विषयी गौरव उदगार काढले🌟

भारताचे अर्थमंत्री झाल्यानंतर दिवंगत डॉ मनमोहनसिंघ हे गुरुद्वारा तखत सचखंड हजुरसाहेब येथे दर्शनासाठी पोहचले होते यावेळी गुरुद्वाराचे तत्कालीन मुख्य जत्थेदार संतबाबा हजुरासिंघजी धूपिया यांनी डॉ मनमोहनसिंघ यांचा सिरेपाव, पगडी आणी तलवार भेट देऊन सत्कार केला. त्या क्षणाचे साक्षीदार नांदेड येथील छायाचित्रकार विजय होकर्णे यांनी  त्यावेळी सन्मान होत असताना फोटो घेतले काही तासानंतर विजय होकर्णे यांनी त्या सत्काराचे चित्र लैमिनेटे करुन डॉ.मनमोहन सिंघ यांना भेट स्वरुप दिले.

 यावेळी माजी केंद्रीय गृहमंत्री स्व.शंकरराव चव्हाण,माजी मुख्यमंत्री आणी खासदार अशोकराव चव्हाण यांची उपस्थिती होती आपले फोटो पाहून मनमोहनसिंघ प्रसन्न झाले आणी विजय होकर्णे यांच्या स्फूर्त सेवेची सर्वान देखत स्तुति केली. स्व.शंकररावजी चव्हाण यांनी डॉ मनमोहनसिंघ यांना विजय होकर्णे यांच्या बद्दल आणी त्यांच्या कडून भेट करण्यात आलेल्या फोटो विषयी चर्चा केली. तेव्हा मनमोहनसिंघ म्हणाले 'माझ्यासाठी ही भेट खूप अनमोल आहे कारण गुरूजीच्या दरबारी माझा सन्मान झाला आहे' विजय होकर्णे यांनी तो प्रसंग आठवत डॉ.मनमोहनसिंघ यांच्या विनम्रते विषयी गौरव उदगार काढले.......