🌟सामाजिक सलोखा राखत प्रतिभावान नवतरुणांना असोसिएशन फॉर कल्चरल ट्रान्सफॉर्मॅशन ऑफ परभणी देणार मंच....!

🌟असे प्रतिपादन समीर दुधागावकर यांनी केले🌟 

परभणी :- सर्वसमावेशक, सर्वस्तरातील नवयुवा तरुण-तरुणींना कला, क्रीडा, संस्कृती, साहित्य या क्षेत्रात प्रशिक्षणासह संधी उपलब्ध करून देण्याविषयी महत्वपूर्ण बैठक घेण्यात आली. बैठकीच्या अध्यक्षस्थानी भानुदासराव शिंदे, तर प्रमुख पाहुणे म्हणून विजय वाकोडे उपस्थित होते बैठक ज्ञानोपासक खेळ मैदानावरील मदत केंद्रात संपन्न झाली. 

कार्यक्रमाची प्रस्तावना बैठकीचे निमंत्रक प्रा.राजकुमार मनवर यांनी केली शेतकरी नवतरुण बेरोजगार कला क्रीडा आणि साहित्य या प्रकारात होतकरू तरुणांना योग्य संधी देणे हे एसीटी (असोसिएशन फॉर कल्चरल ट्रान्सफॉर्मॅशन ऑफ परभणी) चे ध्येय असेल असे समीर दुधागावकर म्हणाले. यावेळी विजय वाकोडे यांनी दुधागावकर परिवाराचे सर्व समाजाच्या उन्नतीतील योगदान सांगितले. एकजुटीने आणि एक दिलाने राहण्याचे आवाहन केले.  हिंदू, मुस्लिम, बौद्ध एकोपा आज काळाची गरज असल्याचीही पुष्टी त्यांनी जोडली. कार्यक्रमाला प्रमुख पाहुणे म्हणून शेषेराव मोहिते, दादाराव काळे, संजय सारणीकर, ॲड. कपिल शिंदे, राजेश बालटकर, अर्जुन पंडित, वैभव काकडे, लखन जामकर, बालाजी कऱ्हाळे, राहुल घनसावंत, स्वप्नील बोर्डे, रमेश घनसावंत,विश्वजीत गायकवाड, संजय मुळे,गजानन सुगंधे,राजेश बालटकर, सम्राट पंचांगे,

गौतम भालेराव, सचिन कांबळे, आनंद गुळवे, विकास लंगोटे,ॲड.मोती शिंदे,राहुल काळे,रमेश धनघाव, आदी उपस्थित होते. तर लोककला सांस्कृतिक मंच चे मराठवाडा अध्यक्ष शाहीर नामदेव लहाडे, जिल्हाध्यक्ष शिवाजी सुगंधे, रिपाई चे संभाजी पंचांगे, शरद पंचांगे, शाहिरा भारती राऊत, दैवशाला खिल्लारे, गायिका निकिता चव्हाण, सत्काय संस्थेचे संजय मुळे, रुग्णहक्क समितीचे सर्फराज शेख, संगीत जानकर मोहन भोकरे, डॉ. सुशील भोसले, समाजहीत कार्य चे संदीप वायवल, धर्मभूमीचे संपादक मदन बापू कोल्हे, आदींची विशेष उपस्थिती होती. कार्यक्रमाच्या सुरुवातीला डॉ. ललिता शिरसाठ यांनी स्वागत गीत गायिले. शाहीर कारभारी हजारे यांनी 'दोनच राजे इथे गाजले ' गाणे गाऊन सर्वांची मने जिंकली तर ढोलकीची साथ सुभाष जोगदंड यांनी दिली. कार्यक्रमाचे सूत्रसंचालन डॉ. ललिता शिरसाठ यांनी केले. कार्यक्रम यशस्वीतेसाठी स्वरा संगीत अकॅडमी, क्रांतिज्योती सावित्रीबाई फुले महिला बहुउद्देशीय सेवाभावी संस्था, सुजय सेवाभावी संस्था आणि तरुण मित्र मंडळाने परिश्रम घेतले. तर आभार शाहीर नामदेव लहाडे यांनी मानले......