🌟परभणीतील संविधान प्रतिकृती विटंबनेच्या निषेधार्थ आंदोलकांकडून सात एसटी बसची तोडफोड लाखोंचे नुकसान...!

🌟परभणीत जमावबंदी लागू झाली असून पुढील आदेश येईपर्यंत कोणतीही बस बाहेर पडणार नाही🌟

परभणी (दि.११ डिसेंबर २०२४) - परभणी येथील जिल्हाधिकारी कार्यालया समोरील डॉ.बाबासाहेब आंबेडकर यांच्या पूर्णाकृती पुतळ्या समोरील संविधान प्रतिकृतीची विकृती बुद्धीमत्तेच्या समाकंटकाकडून काल मंगळवार दि.१० डिसेंबर रोजी विटंबना केल्याच्या निषेधार्थ संतप्त आंदोलकांकडून मंगळवारी सायंकाळी व आज बुधवारी सकाळपर्यंत राज्य परिवहन महामंडळाच्या बसेसवर तूफान दगडफेक केली गेली या दगडफेकीत एसटी महामंडळाच्या जवळपास सात गाड्यांचे मोठ्या प्रमाणात नुकसान झाले आहे.

                या घटनेच्या पार्श्‍वभूमीवर काल मंगळवार दि.१० डिसेंबर २०२४ रोजीच्या सायंकाळपासून परभणी आगारातून एकही बस आगाराबाहेर पडली नाही. संपूर्ण एसटी वाहतूक पूर्णतः बंद ठेवण्यात आली आज बुधवारी देखील अधिकार्‍यांनी बसेस न सोडण्याचा निर्णय घेतला. त्याचा परिणाम एसटी बसेसचे मोठे नुकसान टळले. परंतु, प्रवाशांचे मोठे हाल झाले. बुधवारी सकाळपासून शहरात कडकडीत बंद पाळण्यात आला. आंदोलनकर्त्यांनीही ठिकठिकाणी जथ्थ्यानिशी जावून बंदचे आवाहन केले. त्यातील काहींनी दगडफेकीचाही प्रकार केला. त्यामुळे मोठा तणाव निर्माण झाला. या दगडफेकीत, दुचाकी, तीनचाकी वाहनांना लक्ष करण्यात आले. खाजगी चारचाकी वाहनांवरही काही ठिकाणी दगडफेक करण्यात आली. या पार्श्‍वभूमीवर एसटी महामंडळाच्या अधिकार्‍यांनी बुधवारी रात्री उशीरापर्यंत एकही बस न सोडण्याचा निर्णय घेतला.

मंगळवारी सायंकाळी सात वाजता परभणी शहरात वसमत रस्ता जमावाने एसटी महामंडळाच्या सात गाड्यांवर जोरदार दगडफेक केली. त्यात परभणीच्या सहा व नांदेड डेपोची एका बसचा समावेश आहे. बसच्या काचा फुटल्याने सुमारे सव्वा लाखाचे नुकसान झाले असून प्रवाशी वाहतूकीचेही लाखो रुपयांचे नुकसान झाल्याची माहिती, परभणी आगार प्रमुख कळम यांनी दिली. तसेच परभणीत जमावबंदी लागू झाली असून पुढील आदेश येईपर्यंत कोणतीही बस बाहेर पडणार नाही असे ते म्हणाले......