🌟पुण्यात हृदयविदारक घटना : भारतीय जनता पक्षाचे आ.योगेश टिळेकरांच्या अपहरण झालेल्या मामाची निर्घृण हत्या.....!

 

🌟यवत गावच्या हद्दीत सापडला अपहरण केलेल्या सतीश वाघ यांचा मृतदेह🌟

पुणे : पुण्यात काल सोमवार दि.०९ डिसेंबर २०२४ रोजी मोठी हृदयविदारक घटना समोर आली आहे भारतीय जनता पक्षाचे विधान परिषदेचे आमदार योगेश टिळेकर यांच्या मामा सतीश वाघ यांचे अपहरण झाल्याची बातमी समोर आली होती मात्र आता अपहरण झालेले मामा सतीश वाघ यांची हत्या झाल्याची धक्कादायक माहिती समोर आली आहे यवत गावच्या हद्दीत सतीश वाघ यांचा मृतदेह सापडला आहे. 

भाजपचे विधान परिषद आमदार योगेश टिळेकर यांच्या मामाचं सतीश वाघ यांचं अपहरण करण्यात आल्याचं समोर आलं होतं काल सोमवार दि.०९ डिसेंबर २०२४ रोजी सतीश वाघ सोलापूर रस्त्यावरील हॉटेल ब्ल्यू बेरी समोर थांबले होते. त्यावेळी अचानक त्यांच्यासमोर एक चारचाकी गाडी येऊन थांबली. समोर थांबलेल्या चारचाकी शेवरलेट एन्जॉय या गाडीतून चार जण उतरले. त्यानंतर चौघांकडून सतीश वाघ यांना जबरदस्तीने त्या चारचाकी गाडीत बसवण्यात आलं होतं. ते मॉर्निंग वॉकला गेले असताना हा संपूर्ण प्रकार घडला असल्याची माहिती आहे. सतीश वाघ यांचं अपहरण करुन गाडीत बसवून त्यांना घेऊन जाणारे चौघे जण होते. 

त्यानंतर सतीश वाघ यांचं अपहरण करणारी गाडी सोलापूर दिशेने गेली. ही संपूर्ण घटना सीसीटीव्ही कॅमेन्याद कैद झाली होती. सीसीटीव्ही फुटेजमुळे त्यांचं अपहरण झाल्याचीही बाब समोर आली. त्यानंतर त्यांच्या मुलाने तात्काळ आपल्या वडिलांचं अपहरण झाल्याची तक्रार हडपसर पोलीस ठाण्यात दिली होती. पोलिसांनी अज्ञातांविरोधात गुन्हा दाखल केला होता. अपहरण करणाऱ्यांनी सतीश वाघ यांना कारमधून सोलापूरच्या दिशेने घेऊन गेल्याचं त्यांच्या मुलाने पोलीस तक्रारीत सांगितलं होतं.....