🌟नांदेड येथील विष्णुपुरीस्थित गुरु गोविंदसिंगजी अभियांत्रिकी महाविघालयील विद्यार्थीनीची गळफास घेऊन आत्महत्या...!

🌟नांदेड ग्रामीण पोलिस स्थानकात अकस्मात मृत्यूची नोंद🌟 

नांदेड :- नवीन नांदेड येथील विष्णुपुरी येथील श्री गुरु गोविंदसिंगजी अभियांत्रिकी महाविघालयात सिव्हिल इंजिनिअरिंगच्या तृतीय वर्षात शिक्षण घेणाऱ्या २१ वर्षीय भक्ती शरद पिंपळे या विद्यार्थिनीने मुलींच्या वस्तीगृहातील खोली क्रमांक ३०७ मध्ये पंख्याला दोरीने गळफास घेवून आत्महत्या केल्याची दुर्दैवी घटना काल रविवार दि.०८ डिसेंबर २०२४ रोजी भर दुपारी १२.१६ वाजेच्या सुमारास घडली या घटनेमुळे वस्तीगृहात एकच खळबळ उडाली असून या घटने संदर्भात सिडको येथील नांदेड ग्रामीण पोलिस स्थानकात अकस्मात मृत्यूची नोंद करण्यात आली असून सदरील विद्यार्थीनीने नेमकी कारणासाठी आत्महत्या केली असावी याचा तपास नांदेड ग्रामीण पोलिस स्थानकाचे अधिकारी करीत आहेत.

या प्रकरणी पोलिस सुत्रांकडून मिळालेल्या माहितीनुसार आत्महत्या केलेल्या मुलीचे नाव कु.भक्ती शरदआप्पा पिंपळे असे असून ती वाशिम जिल्ह्यातील कारंजा लाड येथील रहिवासी आहे. श्री गुरु गोविंदसिंघजी अभियांत्रिकी आणि तंत्रशास्त्र संस्थेत भक्ती ही स्थापत्य अभियांत्रिकी शाखेच्या तृतीय वर्षात शिकत होती ती गुरू गोविंदसिंग महाविद्यालय मुलींचे वस्तिगृह येथे ३०७ या खोली मध्ये राहत होती रविवारी सकाळी खोलीतील अन्य मैत्रिणी नसल्याची संधी साधत तीने खोलीतील पंख्याला दोरीने गळफास घेवून आत्महत्या केली.

या घटनेची माहिती नांदेड ग्रामीण पोलिसांना दिल्यानंतर नांदेड ग्रामीण पोलिस स्थानकाचे पोलीस निरीक्षक ओमकांत चिंचोलकर यांच्या मार्गदर्शना खाली सहाय्यक पोलीस निरीक्षक सचिन गढवे, बीट पोलीस अंमलदार माधव गवळी व किशोर इंगळे घटनास्थळी धाव घेऊन पंचनामा केला या घटने प्रकरणी फिर्यादी राजेश्वर शंकरअप्पा पिंपळे यांनी दिलेल्या फिर्यादीवरून १७९/२०२४ कलम १९४ बिएनएस नुसार आकस्मिक मृत्यूची नोंद केली असून अधिक तपास पोलीस उपनिरीक्षक ज्ञानेश्वर मटवाड हे तपास करीत आहेत.......