🌟शिर्डीच्या साईबाबांचे दर्शन घेऊन परभणीकडे येणाऱ्या साईभक्त कुटुंबावर काळाची झडप : कार पलटून भिषण अपघात....!

🌟जिंतूर-परभणी रस्त्यावरील झरी शिवारात झालेल्या अपघातात एका महिलेचा मृत्यू तीघे गंभीर जखमी🌟

परभणी (दि.०२ डिसेंबर २०२४) - परभणी शहरातील दत्तनगर परिसरात राहणारे परभणी जिल्हा पोलिस दलातील कर्मचारी नवनाथ मुंडे आपल्या कुटुंबासह श्रीक्षेत्र शिर्डी देवस्थानाहून साईबाबांचे दर्शन घेऊन परभणीकडे परतत असतांना त्यांची भरधाव कार एका भरधाव कार एम.एच.१५ जीआर ९६९७ रस्त्याच्या कडेला उलटल्याने झालेल्या भिषण अपघातात मुंडे यांच्या पत्नीचा जागीच मृत्यू तर नवनाथ मुंडे यांच्यासह त्यांचा मुलगा व मुलगी असे तिघे गंभीर जखमी झाल्याची दुर्दैवी घटना आज सोमवार दि.०२ डिसेंबर रोजी मध्यरात्री ०२.३० वाजेच्या सुमारास घडली दरम्यान या भिषण अपघातात जखमी झालेल्या जखमींवर परभणी येथील खासगी रूग्णालयात उपचार सुरू आहेत.

या घटने संदर्भात सविस्तर वृत्त असे की परभणी शहरातील दत्तनगर परिसरात राहणारे पोलीस कर्मचारी नवनाथ मुंढे हे आपल्या कुटुंबियांसह शिर्डीला साईबाबांचे दर्शन घेण्यासाठी गेले होते शिर्डी येथून मुंडे कुटुंब आपल्या कार क्रमांक एम.एच.१५ जीआर ९६९७ या कारने परत परभणीकडे वापस येत असतांना जिंतूर-परभणी रस्त्यावरील झरी शिवारात कार चालकाचा कारवरील ताबा अचानक सुटल्याने भरधाव कार रस्त्याच्या कडेला जावून उलटली यात कारचा चक्काचूर झाली या घटनेत पोलीस कर्मचारी नवनाथ मुंढे यांच्या पत्नी संगिता नवनाथ मुंडे वय ४९ वर्ष यांचा जागीच मृत्यू झाला तर नवनाथ मुंढे वय ५३ वर्ष,मुलगा शुभम नवनाथ मुंढे वय २२ वर्ष,मुलगी भगवती नवनाथ मुंडे हे तिघे गंभीर जखमी झाले. दरम्यान घटना घडताच परिसरातील नागरिकांनी तात्काळ जखमींना परभणी येथील देवगिरी हॉस्पिटल मध्ये उपचारासाठी भरती केले पोलिस कर्मचारी नवनाथ मुंढे यांची प्रकृती नाजुक असून मुलगा व मुलीची प्रकृती स्थिर असल्याचे डॉक्टरांनी सांगितले जखमींवर डॉ.एकनाथ मवाळे, डॉ.अतुल जाधव हे उपचार करीत आहेत. दरम्यान या प्रकरणी परभणी ग्रामीण पोलिस स्थानकात भगवती मुंढे यांनी दिलेल्या फियांदीवरून नोंद करण्यात आली असून घटनेचा अधिक तपास पोलिस निरिक्षक श्रीकांत डोंगरे यांच्या मार्गदर्शनाखाली सपोनि विक्रम हराळे, बीट जमादार शंकर हाके हे अधिक तपास करीत आहेत.....