🪯श्री गुरु गोबिंदसिंघजी गोल्ड एंड सिल्वर कप हॉकी टूर्नामेंट : बीएसएफ,ए.जी.नागपुर,इंडियन आर्मी,बिलासपूर रेल्वे संघ विजयी...!

🏑मुंबई विरुद्ध साईं संभाजीनगर मधील सामना अनिर्णीत🏑

नांदेड (दि.31 डिसेंबर2024) - नांदेड येथील खालसा मीनी स्टेडियम मैदानावर सुरु असलेल्या 51 व्या भीश्त रतीय श्री गुरु गोबिंदसिंघजी गोल्ड एंड सिल्वर कप हॉकी टूर्नामेंटच्या दुसऱ्या दिवशी खेळण्यात आलेल्या साखळी सामन्यात बीएसएफ जालंधर, ए. जी. नागपुर, इंडियन आर्मी आणी रेल्वे बिलासपुर संघांनी आपले सामने जिंकत गुण मिळवले आहे. तर साईं एक्सेलेंसी छत्रपति संभाजीनगर विरुद्ध कस्टम मुंबई संघात खेळलेला सामना अनिर्णीत राहिला आहे. 

मंगळवारी सकाळी पहिला सामना बीसएफ जालंधर विरुद्ध एसजीपीसी अमृतसर असा झाला. दोन्ही संघांनी उत्कृष्ट अशा खेळाचे प्रदर्शन करत गोल करण्याचे प्रयत्न केले. खेळाच्या 49 व्या मिनिटाला बीएसएफ ने पेनल्टी कॉर्नर मध्ये गोल नोंदवला. कमलजीत सिंघ याने हा गोल केला. अमृतसर संघाने काही संधी गमावल्या तसा सामना देखील गमावला. 

आजचा दूसरा सामना ए. जी. नागपुर विरुद्ध पीएसपीसीएल पटिआला संघात खेळला गेला. दोन्ही संघांनी संघर्षपूर्ण खेळ कौशल दाखवला. शेवटी खेळाच्या 52 व्या मिनिटाला नागपुरच्या अमीदखान पठान याने मैदानी गोल करत संघासाठी विजय खेचून आणला. पटिआला संघाला खेळात सुर सापडले नाही आणी नागपुर संघ गुण अर्जित करण्यात यशस्वी झाला.

आजचा तीसरा सामना कस्टम मुंबई विरुद्ध साईं एक्सेलेंसी छत्रपति संभाजीनगर संघादरम्यान खेळला गेला. दोन्ही संघांनी परस्पराविरोधात एक - एक गोल केल्याने शेवटी हा सामना अनिर्णीत पण एक - एक गुण अर्जित करण्यास पात्र ठरला. खेळाच्या पहिल्या सत्रात 15 व्या मिनिटाला मुंबई संघाच्या राज पाटिल ने पेनल्टी कॉर्नरचे रूपान्तर गोल मध्ये करुन आघाडी मिळवून दिली. पण साईं संघाच्या करन ठोसरे यांने 35 व्या मिनिटास मैदानी गोल करत सामना बरोबरीला आणला. 

दुपारच्या सत्रात चौथा सामना आर्मी इलेवन जालंधर विरुद्ध यूनियन बँक मुंबई संघात झाला. आर्मी संघाने हा सामना 3 विरुद्ध 2 अंतराने जिंकला. मुंबई संघाने बलाढ्य आर्मी संघाला चांगलीच झुंज दिली. खेळाच्या सुरुवातीला आर्मी संघाच्या प्रदीपसिंघ भीश्त याने 15 व्या मिनिटाला सुरेख मैदानी गोल केला. त्या पाठोपाठ गौरव याने खेळाच्या 17 व्या मिनिटाला मैदानी गोल करून आघाडीत वाढ केली. आर्मी संघ हा सामना सहज जिंकेल असे संकेत मिळत असतांना मुंबई संघाच्या वेंकटेश केंचे याने 30 व्या मिनिटाला मैदानी गोल केले. खेळाच्या 46 मिनिटाला पुन्हा मुंबईच्या नवीन खेरातकार याने मैदानी गोल करत संघाला बरोबरीला आणले. दोन्ही संघानी आक्रमक खेळ दाखवला पण खेळाच्या 56 व्या मिनिटाला आर्मी संघाच्या अंतर्राष्ट्रीय ख्यातिचा खेळाडू रमनदीप सिंघ याने मैदानी गोल करत संघाच्या विजयास हातभार लावले. 

आजचा पाचवा सामना रेल्वे बिलासपुर विरुद्ध चार साहबजादे नांदेड संघादरम्यान खेळा गेला. वरील सामन्यात बिलासपुर संघाने 7 - 0 अंतराने हा सामना खिश्यात घातला. काल बिलासपुर संघास मोठ्या पराभवाला सामोरे जावे लागले होते. आज त्यांनी भरपाई करण्यात कसर सोडली नाही.

........

✍️क्रिडा वृत्तांकन : रविंदरसिंघ मोदी नांदेड