🌟क्रांतिकारी वादळी व्यक्तिमत्त्वाने घेतला जगाचा निरोप : लोकनेते विजय वाकोडे यांचे हृदयविकाराच्या तीव्र झटक्याने निधन...!

🌟मृत्यूसमयी त्यांचे वय ६३ वर्षांचे होते या घटनेने सर्वांना मोठा धक्का बसला आहे🌟

परभणी (दि.१६ डिसेंबर २०२४) : भारतीय रिपब्लिकन सेनेचे प्रदेश उपाध्यक्ष तथा आंबेडकरी चळवळीतील संघर्षशील नेतृत्व क्रांतिकारी वादळी व्यक्तिमत्त्व लोकनेते विजय वाकोडे यांचे आज सोमवार दि.१६ डिसेंबर रोजी रात्री र्‍हदयविकाराच्या तीव्र झटक्याने निधन झाले मृत्यूसमयी त्यांचे वय ६३ वर्षांचे होते या घटनेने सर्वांना मोठा धक्का बसला आहे.

              येथील जिल्हाधिकारी कार्यालयासमोरील डॉ. बाबासाहेब आंबेडकर यांच्या पूर्णाकृती पुतळा परिसरातील संविधानाच्या प्रतिकृतीच्या काचेची तोडफोड करीत संविधानाचा अवमान केल्याची घटना दि.१० डिसेंबर २०२४ रोजी घडली घटना घडल्या बरोबर ज्येष्ठ नेते वाकोडे यांनी घटनास्थळी धाव घेतली व तेथील स्फोटक परिस्थिती तात्काळ ओळखून तातडीने अत्यंत संयमाची भूमिका घेतली घटनेच्या दुसर्‍या दिवशीसुद्धा या घटनेच्या निषेधार्थ पुकारलेल्या बंदच्या आंदोलनात दरम्यान वाकोडे यांनी संपूर्ण बंद शांततेत आणि सुरळीतपणे पार पडावा या दृष्टिकोनातून प्रयत्न केले यावेळी अतिउत्साही कार्यकर्त्यांना आवरण्याचा देखील त्यांनी अटोकाट प्रयत्न केला त्यांच्या अकाली निधनामुळे आंबेडकरी चळवळीला फार मोठा धक्का बसला असून त्यांच्या निधनाचे वृत्त समजताच संपूर्ण परभणी जिल्ह्यासह मराठवाड्यात हळहळ व्यक्त होत आहे.....