🌟हिंगोली जिल्ह्यातील वसमत शहरात भरधाव कारणे एकाला चिरडले घटना सीसीटीव्हीमध्ये कैद....!

🌟घाबरलेल्या चालकाने परिसरातील दोन दुचाकीसह फुलांच्या पाच दुकानांनाही दिली धडक🌟

 ✍️शिवशंकर निरगुडे - हिंगोली

हिंगोली :- हिंगोली जिल्ह्यातील वसमत येथील झेंडा चौक हा वर्दळीचा भाग आहे. या ठिकाणी फुलविक्रीची दुकानेही मोठ्या संख्येने आहेत. वर्दळीचा रस्ता असलेल्या या भागात रविवारी ता. 22 रात्रीच्या वेळी काही नागरीक पायी जात होते. यावेळी एका भरधाव कार चालकाचे वाहनावरील नियंत्रण सुटले असून त्याने सय्यद इलीयास या नागरीकाला धडक देऊन कारखाली घेतले या नंतर घाबरलेल्या चालकाने परिसरातील दोन दुचाकीसह फुलांच्या पाच दुकानांना धडक दिली. यामध्ये दुचाकी व फुलांच्या दुकानांचे मोठे नुकसान झाल आहे.

या अपघातानंतर परिरातील नागरीक एकत्र आले होते अपघाताची माहिती मिळताच वसमत पोलिस ठाण्याचे निरीक्षक कुंदनकुमार वाघमारे, सहाय्यक पोलिस उपनिरीक्षक शेख हकीम, जमादार संदीप चव्हाण, गारोळे, राठोड यांच्या पथकाने घटनास्थळी धाव घेतली. पोलिसांनी नागरीकांच्या मदतीने जखमी सय्यद इलीयास यांना उपचारासाठी वसमतच्या उपजिल्हा रुग्णालयात हलविले. मात्र त्यांच्या डोक्याला गंभीर दुखापत असल्याने त्यांच्यावर प्राथमिक उपचार करून पुढील उपचारासाठी नांदेडला हलविले आहे. या सोबतच पोलिसांनी कार व चालकाला ताब्यात घेतले असून त्याची चौकशी केली जात आहे. सदर कार वसमत येथीलच असल्याचे पोलिसांनी सांगितले. सदर घटना सीसीटीव्हीमध्ये कैद झाली आहे. याप्रकरणी अद्यापपर्यंत वसमत पोलिस ठाण्यात गुन्हा दाखल झाला नाही......