🌟महाराष्ट्र राज्यात 'देवेंद्र शासन' : राज्याचे मुख्यमंत्री म्हणून देवेंद्र फडणवीस यांचा आझाद मैदानावर शपथविधी सोहळा संपन्न.....!

 

🌟राज्याचे उपमुख्यमंत्री म्हणून एकनाथ शिंदे यांच्यासह अजित पवार यांनाही राज्यपाल सी.पी.राधाकृष्णन यांनी दिली शपथ🌟

मुंबई (दि.०५ डिसेंबर २०२४) - महाराष्ट्र राज्यात तब्बल तेरा दिवसांच्या प्रतीक्षेनंतर खऱ्या अर्थाने देवेंद्र शासनाची आज गुरुवार दि.०५ डिसेंबर रोजी मुंबई येथील आझाद मैदानावरील शपथग्रहण सोहळ्यानंतर झाली असून आज गुरुवारी सायंकाळी देशाचे पंतप्रधान नरेंद्र मोदी व देशाचे गृहमंत्री अमित शाह यांच्यासह देशातील बावीस राज्यातील मुख्यमंत्र्यांच्या उपस्थितीत राज्याचे राज्यपाल सी.पी.राधाकृष्णन यांनी भारतीय जनता पक्षाचे नेते देवेंद्र फडणवीस यांना आज मुख्यमंत्रीपदाची शपथ दिली त्यामुळे आता महाराष्ट्रात पुन्हा एकदा देवेंद्र शासनाला सुरुवात झाली आहे.

राज्याचे मुख्यमंत्री म्हणून देवेंद्र फडणवीस तर उपमुख्यमंत्री म्हणून भाई एकनाथ शिंदे व अजित पवार यांचा आजचा शपथविधी सोहळा अत्यंत राजेशाही व भव्यदिव्य ठरला या शपथविधी सोहळ्याला देशाचे पंतप्रधान नरेंद्र मोदी आणि केंद्रीय गृहमंत्री अमित शाह तसेच अनेक केंद्रीय मंत्र्यांसह देशातील २२ राज्यांच्या मुख्यमंत्र्यांनी आवर्जून हजेरी लावली विधानसभा निवडणुकीच्या निकालानंतर अखेर तेरा दिवसांच्या मोठ्या प्रतिक्षेनंतर महाराष्ट्र राज्याला देवेंद्र फडणवीस याच्या रुपाने नवा मुख्यमंत्री मिळाला आहे महाराष्ट्रातील भारतीय जनता पार्टीतील नंबर एकचे नेते देवेंद्र फडणवीस यांनी महाराष्ट्राच्या मुख्यमंत्रीपदाची शपथ घेतली आहे. देवेंद्र फडणवीस हे राज्याचे २१ वे मुख्यमंत्री बनले आहेत. महाराष्ट्राची राजधानी असलेल्या मुंबईतील आझाद मैदानावर अतिशय भव्यदिव्य स्वरुपात देवेंद्र फडणवीस यांच्या शपथविधी सोहळ्याचा कार्यक्रम आज थाटात पार पडला. महाराष्ट्र विधानसभा निवडणुकीत महायुतीला घवघवीत यश मिळालं महायुतीला २८८ पैकी तब्बल २३० जागांवर घवघवीत यश मिळालं महायुतीला मिळालेलं हे यश अभूतपूर्व असं यश आहे. आतापर्यंतच्या इतिहासात महाराष्ट्रात कोणत्याच युतीला आणि आघाडीला इतकं यश मिळालेलं नव्हतं. या यशात भाजपचा मोठा वाटा आहे. भाजपने १३२ जागांवर विजय मिळवला. त्यामुळे भाजपचाच मुख्यमंत्री बनेल हे जवळपास निश्चित होतं. पण तरीदेखील महायुतीत अंतर्गत सुरु असलेल्या घडामोडी, तसेच राज्याचे मावळते मुख्यमंत्री एकनाथ शिंदे यांची मनधरणी करण्यासाठी भाजपने घेतलेला वेळ यामुळे शपथविधीचा कार्यक्रम रखडला. अखेर विधानसभा निवडणुकीच्या निकालानंतर तब्बल १३ दिवसांनी देवेंद्र फडणवीस यांनी आज महाराष्ट्राच्या मुख्यमंत्रीपदाची शपथ घेतली आहे......