🌟सरपंच स्व.संतोष देशमुख हत्या प्रकरणातील आरोपीला फाशीच व्हावी ही माझी पहिल्या दिवसापासूनची ठाम भूमिका - धनंजय मुंडे

🌟सरपंच हत्येच्या घटने आडून राजकारण करू नका हीच कळकळीची विनंती : धनंजय मुंडे यांचे विरोधकांना आवाहन🌟

मुंबई : बिड जिल्ह्यातल्या केज तालुक्यातील मस्साजोग येथील तरुण सरपंच स्व.संतोष देशमुख निर्घृण हत्याकांड प्रकरणातील आरोपींना कठोरात कठोर शासन व्हावे त्यांना फाशीची शिक्षा व्हावी अशी माझी पहिल्या दिवशीपासून ठाम भूमिका होती आणि आजही तीच कायम आहे या प्रकरणी आरोपींना कोणाच्याही कितीही जवळचा असला तरी तातडीने शासन व्हावे यासाठी आणि न्यायालयीन दिरंगाई होऊ नये म्हणून फास्टट्रॅक कोर्टात हे प्रकरण चालावे यासाठी १२ डिसेंबर २०२४ रोजी सर्वात अगोदर मी स्वतः मुख्यमंत्री देवेंद्र फडणवीस यांच्याकडे लेखी स्वरूपात मागणीकेलेली आहे असे स्पष्ट मत राज्याचे अन्न व नागरी पुरवठा मंत्री धनंजय मुंडे यांनी व्यक्त केले आहे. 

सरपंच स्व.संतोष देशमुख यांच्या कुटुंबाला न्याय मिळावा ही सर्वांचीच भूमिका आहे मात्र या घटनेच्या आडून जे राजकारण केले जात आहे ते दुर्दैवी आहे तसे हे राजकारण करू नये असे कळकळीचे आवाहनही धनंजय मुंडे यांनी केले आहे स्व.संतोष देशमुख यांच्या हत्येची घडलेली घटना निघृण आणि तितकीच चीड आणणारी होती यासारख्या घटना जिल्ह्यातच काय तर महाराष्ट्रात कुठेही होऊ नयेत यासाठी अशा गुन्हेगारी प्रवृत्ती ठेचून काढणे आवश्यक आहे. याबाबत राज्याचे मुख्यमंत्री आदरणीय देवेंद्रजी फडणवीस साहेब यांनी योग्य ती पाऊले उचलली असल्याचे ते म्हणाले.....