🌟स्वयंम शिक्षण प्रयोग संस्था आणी ओरॅकल साॅप्टवेअर प्रायव्हेट लिमिटेडचा सहभाग🌟
फुलचंद भगत
वाशिम :- वाशिम तालुक्यातील सुरकुंडी खू. या गावात आज गुरुवार दि.19 डिसेंबर 2024 रोजी "उत्सव समतेचा" हा कार्यक्रम स्वयम् शिक्षण प्रयोग संस्था आणि ओरॅकल सॉफ्टवेअर प्रायव्हेट लिमिटेड मार्फत मोठ्या उत्साहाने साजरा करण्यात आला.या वेळी कार्यक्रमाचे अध्यक्ष शाळा व्यवस्थापन समितीचे अध्यक्ष रवी भोयर, पंचायत समिती सदस्य भिकाभाई बेनिवाले ,उपसरपंच किसान इरतकर, संभाजी ब्रिगेडचे जिल्हा अध्यक्ष गजाजन भोयर,शाळेचे मुख्याध्यापक प्रशांत परळकर, ज्योती भोयर (शिक्षिका ) अनिल सुर्वे(सहाशिक्षक)अंगणवाडी सेविका लक्ष्मी मुन्नीवाले, आशा वंदना ठाकरे, स्वयम् शिक्षणं प्रयोग संस्थेचे जिल्हा समनव्यक काकासाहेब आडसुळे ,तालुका समनव्यक रवी उखळे विजय शेगर आणि आकाश पट्टेबहादूर उपस्थित होते.
स्वयम् शिक्षणं संस्थेच्या वतीने राधा कालापाड यांनी प्रास्ताविक भाषणात संस्थेची माहिती स्थापना संस्थेचे कार्य याची पद्धतशिर माहिती दिली .स्वयंम् शिक्षण प्रयोग ही संस्था ग्रामीण भागात १९९३ पासून कार्यरत आहे.संस्था सात राज्यात महाराष्ट्र,केरळ ,बिहार,ओडिसा, आसाम,कर्नाटक ,गुजरात,३२७४ पेक्षा अधिक गावामध्ये शाश्वत,शेती ,पोषण ,आरोग्य ,पाणी, स्वच्छता , उद्योजकता,विकास या विषायास अनुसरून कार्यरत आहे.मालेगांव तालुक्यातील ५० गावे वाशिम तालुक्यातील ५० गावे असे ऐकून १०० गावामध्ये १० हजार महिला, ६००० हजार शाळेतील विद्यार्थी सोबत स्त्री _ पुरुष समानता,पाणी आरोग्य ,पोषण,आणि स्वच्छता ,तसेच सेंद्रिय शेती ,गावं कृतीगट बळकटिकरण ई विषयावर काम करीत आहे.ग्रामपंचायत ला सोबत घेऊन लोक सहभागातून ग्राम आराखडा तयार करणे. याची माहिती प्रास्ताविक माहिती संस्थे च्या वतीनी वर्षा घुगे उपस्थित महिला गावकरी मंडळी यांना दिली.उत्सव समतेचा हा कार्यक्रम गावातून भव्य मिरवणूक काढण्यात आली. व महिलांच्या आणि विद्यार्थांच्या अनेक स्पर्धा आयोजित करण्यात आल्या .निबंध स्पर्धा,रांगोळी स्पर्धा,खुल जा सिम सिम ,अडथळ्यांची शर्यत साप सीडी , पाहुण्यांशी गप्पा , सेल्फी स्टॅन्ड अशा विविध प्रकारच्या स्पर्धा आयोजित केल्या होत्या.तसेच भरोड ,लोकगीते, कलापथक ,च्या माध्यमातून स्वच्छता, अभियान सार्वजनिक वैकतिक स्वच्छता , ई माहिती चा संदेश या कार्यक्रमाअंतर्गत देण्यात आला. स्वयम् शिक्षण प्रयोग संस्थे च्या वतीने कार्यक्रम यशस्वी करण्यासाठी राधा कालापाड, मंदाकिनी गुट्टे व संगीता गावंडे यांनी नियोजन केले व परिश्रम घेतले.तसेच आभार मंदाकिनी गुट्टे यांनी केले.
प्रतिनिधी:-फुलचंद भगत
मंगरुळपीर/वाशिम
0 टिप्पण्या