🌟तामिळनाडूतील डिंडीगुल जिल्ह्यातील खासगी रुग्णालयाला भीषण आग ; अल्पवयीन मुलासह ६ जणांचा दुर्दैवी मृत्यू...!

🌟या भिषण आगी दरम्यान पीडितांचा लिफ्टमध्ये श्वास गुदमरल्यानं मृत्यू झाल्याचे समोर आले आहे🌟

नवी दिल्ली :– तामिळनाडू डिंडीगुल जिल्ह्यातील एका खाजगी रुग्णालयात लागलेल्या भीषण आगीत एका अल्पवयीन मुलासह किमान सहा जणांचा दुर्दैवी मृत्यू झाल्याची घटना गुरुवार दि.१२ डिसेंबर २०२४ रोजी रात्री उशिरा घडली या घटनेमुळे सर्वत्र हळहळ व्यक्त केली जात आहे. 

डिंडीगुल जिल्ह्यातील या आगीच्या भयंकर दुर्घटनेनंतर मयतांतील हे सर्व सहा जण हे इमारतीच्य लिफ्टमध्ये बेशुद्ध अवस्थेत सापडल्याची माहिती पोलीस आणि अग्निशमन विभागाने दिली आहे. यानंतर तात्काळ त्यांना दुसऱ्या रुग्णालयात नेण्यात आले, मात्र येथे त्यांना मृत घोषित करण्यात आले. अग्निशमन विभागाकडून रुग्णालयात शोध आणि बचाव कार्य सुरू असताना या पीडितांचा लिफ्टम ध्ये श्वास गुदमरल्यानं मृत्यू झाला होता.

बचाव पथकाकडून किमान ३० रूग्ण आणि डॉक्टरांना इमारतीमधून बाहेर काढण्यात आले. रुग्णालयातून बाहेर काढण्यात आलेल्या सर्वांना जिल्हा शासकिय रुग्णालयात दाखल करण्यात आल्याचे अधिकाऱ्यांनी सांगितले.रुग्णालयात लागलेली आग ही इलेक्ट्रिक शॉर्ट सर्किटमुळे लागल्याची माहिती पोलिसांनी प्राथमिक तपासानंतर दिली. दरम्यान या आगीच्या घटनेचा व्हिडीओ समोर आला असून यामध्ये रुग्णालयाच्या इमारतीतून आग आणि धूर निघताना दिसत होता.......