🌟महाराष्ट्राचे 'अस्सल नायक' काळजीवाहू मुख्यमंत्री भाई एकनाथ शिंदे यांचा उपमुख्यमंत्रीपद घेण्यास नकार.....!

🌟भाजप नेतृत्व जे ठरवेल ते मान्य असल्याची भूमीका मान्य असल्याचे भाई एकनाथ शिंदे यांनी केले जाहीर🌟 

मुंबई - महाराष्ट्र राज्यातील विधानसभा निवडणुकीचे निकाल हाती येवून आज पाच दिवसांचा कालावधी उलटला असतांना अद्यापही भारतीय जनता पक्षाकडून राज्याच्या मुख्यमंत्रीपदाचे नाव निश्चित झालेले नाही भाजप नेतृत्व जे ठरवेल ते मान्य असल्याची भूमीका शिवसेना नेते राज्याचे 'अस्सल नायक' काळजीवाहू मुख्यमंत्री एकनाथ शिंदे यांनी काल जाहीर केली. 

पूर्वीच्या सुत्रानुसार भाजपने त्यांचा मुख्यमंत्री आणि दोन उपमुख्यमंत्री हे सुत्र कायम ठेवल्यास विद्यमान मुख्यमंत्री एकनाथ शिंदे नव्या सरकारमध्ये उपमुख्यमंत्रीपद स्विकारणार नाहीत अशी माहिती शिवसेनेचे प्रवक्ते आ. संजय शिरसाट यांनी माध्यमांशी बोलतांना दिली. विधानसभा निवडणुकीत भाजपने १३३ जागा जिंकल्या आहेत. सर्वात मोठा पक्ष म्हणून भाजपचा मुख्यमंत्रीपदावर दावा होता. त्याचवेळी विद्यमान मुख्यमंत्री एकनाथ शिंदे यांच्या नेतृत्वात या निवडणुका लढल्या गेल्या आणि महायुतीला घवघवीत यश मिळाले असल्याने बिहार पॅटर्न नुसार भाजपने एकनाथ शिंदे यांनाच मुख्यमंत्रीपदावर कायम ठेवावे अशी मागणी शिवसेनेकडून केली जात होती. त्यामुळे मुख्यमंत्रीपदाचा तिढा वाढला होता. शेवटी एकनाथ शिंदे यांनी काल बुधवारी पत्रकार परिषद घेवून आपली भूमीका स्पष्ट केली. असे असले तरी जुन्या सुत्रानुसार दोन उपमुख्यमंत्री झाल्यास एकनाथ शिंदे उपमुख्यमंत्रीपद स्वीकारणार नाहीत असे संजय शिरसाट यांनी स्पष्ट केले. मुख्यमंत्री पदावर असलेल्या व्यक्तीने पुन्हा उपमुख्यमंत्री पदावर जाणे योग्य नसल्याचे त्यांनी सांगितले. शिवसेनेकडून उपमुख्यमंत्रीपदासाठी कदाचित दुसरे नाव दिले जाईल. अशी माहिती आ. शिरसाट यांनी पत्रकारांना दिली......