🌟प्रतिष्ठित हॉस्पिटलच्या ऍलोपॅथी उपचाराने हात टेकलेल्या महिला रुग्णास पतंजली आयुर्वेद ने दिले जीवदान.....!

 🌟व्हायरल इन्फेक्शन आजारासाठी खाजगी दवाखान्यात महिन्याभरात 40 हजार रुपयें खर्च🌟

 🌟योगाचार्य सोनटक्के यांनी अवघ्या 5 दिवसात रुग्णास केले पूर्ण स्वस्थ🌟

✍🏻मकरंद पांगरकर

नांदेड (दि.०3 नोव्हेंबर 2024) - बाळापूर येथील महिलेला गेल्या एक महिन्यांपासून सर्दी खोकला या व्हायरल आजाराने प्रचंड त्रासले होते. नांदेड येथील प्रतिष्ठित खाजगी  हॉस्पिटलमध्ये एक महिना उपचार घेऊनही तसेच जवळपास 40 हजाराच्या वर पैसे खर्च करूनही ऍलोपॅथीने अजिबात गुण न आलेल्या सदरील महिलेवर नांदेड योग भूषण तथा योगाचार्य सिताराम सोनटक्के यांनी पतंजली आयुर्वेदिक उपचार करून सदर महिलेला केवळ पाच दिवसात संपूर्णपणे स्वास्थ्य मिळवून दिले.

       मनुष्याला स्वास्थ्य प्राप्तीसाठी सर्वप्रथम योग महत्त्वाचा आहे. त्यानंतर एखाद्या आजाराने ग्रासलेच तर आयुर्वेदिक उपचार संजीवनी ठरत आहे. अनेक रोगांवर ऍलोपॅथीने सतत उपचार केल्याने झालेल्या रोगाला धरून दुसऱ्या रोग निर्माण होण्याची शक्यता असते परंतु आयुर्वेदिक उपचाराने रोग हा समूळ नष्ट होऊ शकतो हे विज्ञानाने सिद्ध केले आहे.

         बाळापूर येथील महिला सौ रुपाली कल्याणकर या गेल्या एक महिन्यापासून ताप,सर्दी,खोकला या व्हायरल आजाराने अतिशय त्रस्त झाल्या होत्या. प्रचंड खोकल्याने त्यांची झोप उडाली होती. त्यांनी नांदेड येथील काही खाजगी हॉस्पिटलमध्ये महिनाभर उपचार घेतले. काही ठिकाणी त्यांना बेड उपलब्ध झाला नाही. अशा परिस्थितीत ऍलोपॅथीवर चाळीस हजार रुपयांच्या वर खर्च करूनही त्यांना एक टक्का गुण आला नाही.

     नांदेड येथील आयोध्या नगरीत राहणारे तहसीलदार सुरेखा नांदे यांच्या घरी सौ रुपाली कल्याणकर यांची आई घर कामाला आहे. ज्या वेळेला सौ रुपाली यांच्या आईंनी तहसीलदार नांदे यांना मुलीच्या आजाराबद्दल माहिती दिल्यानंतर त्यांनी योगाचार्य सिताराम सोनटक्के यांना फोन केला व या त्रस्त महिलेला आजारातून स्वास्थ्य मिळवण्यासाठी आयुर्वेदिक उपचार करण्याची विनंती केली.

       त्यांच्या विनंतीवरून योगाचार्य सिताराम सोनटक्के यांनी सदरील रूपाली कल्याणकर यांचे माहेर गाठले आणि पतंजलीचे आयुर्वेदिक उपचार सुरू केले. पहिल्याच दिवसापासून फरक जाणवत असलेल्या सौ रुपाली यांना पाच दिवसात संपूर्ण स्वास्थ लाभले. व्हायरल आजारातून तब्बल एक महिना मरणांत त्रास भोगणाऱ्या सौ रुपाली या आजारातून पूर्णपणे स्वस्थ झाले असून योगाचार्य सोनटक्के यांनी यापूर्वीही हजारो रुग्णांवर मोफत उपचार करून त्यांना स्वास्थ्य प्राप्त करून दिले आहे.

      मोठ्या प्रतिष्ठित हॉस्पिटल ने ही ऍलोपॅथी द्वारे उपचार करून हात टेकल्यानंतर केवळ पाच दिवसात आयुर्वेदिक उपचाराने रुग्ण महिलेला स्वास्थ्य लाभल्याने  आयुर्वेद उपचार हे संजीवनी उपचार ठरले आहे......