🌟परभणी जिल्ह्यातील पाथरी विधानसभा मतदारसंघात झालेल्या चौरंगी लढतीत आ.राजेश विटेकरांचा दणदणीत विजय...!

🌟विद्यमान आमदार सुरेश वरपुडकर द्वितीय क्रमांकावर तर माजी आमदार बाबाजानी दुर्राणी चौथ्या क्रमांकावर🌟  

परभणी (दि.२३ नोव्हेंबर २०२४) : परभणी जिल्ह्यातील पाथरी विधानसभा मतदारसंघात महाविकास आघाडीचे उमेदवार तथा विद्यमान आमदार सुरेश वरपुडकर यांचा ३१ व्या फेरीअखेर तब्बल १३ हजार २४४ मतांनी पराभव करीत महायुतीचे उमेदवार तथा विद्यमान आमदार राजेश विटेकर यांनी वडिलांचा वरपुडकर यांनी केलेल्या पराभवाचा जबरदस्त बदला घेतला.

            या मतदारसंघात पंचरंगी लढत होईल असे सकृतदर्शनी चित्र होते परंतु माजी आमदार मोहन फड यांचे पिताश्री माधवराव फड हे या लढतीत फारसा प्रभाव टाकू शकले नाहीत त्यामुळे लढत चौरंगी झाली त्याप्रमाणे राष्ट्रीय समाज पक्षाचे उमेदवार सईद खान व अपक्ष उमेदवार माजी आमदार बाबाजानी दुर्राणी यांनी प्रचारयुध्दात अंतीम टप्प्यापर्यंत प्रभाव राखला विजयाचा पल्ला ते गाठू शकले नाहीत परंतु प्रचारयुध्दा पाठोपाठ लक्ष्मीअस्त्रातसुध्दा या दोघांनी दोघा आमदार महोदयांप्रमाणे प्रभावी वापर केला त्यातून त्यांचे मताधिक्य दिसले व परिणाम निकालातून दिसून आले.....