🌟बिदर येथील पवित्र नानक झिरा साहीबला गुरु नानक देवजी यांच्या ५५५ व्या जयंती महोत्सवासाठी पायी श्रध्दाळूंचा जत्था रवाना...!

🌟नांदेड येथील सिख सिकलकरी समाजातील बारा श्रध्दाळूंचा या पायी तिर्थयात्री जत्थ्यात समावेश🌟 

नांदेड (दि.०८ नोव्हेंबर २०२४) - सिख धर्माचे संस्थापक प्रथम गुरु श्री गुरु नानक देवजी यांची दि.१५ नोव्हेंबर २०२४ रोजी ५५५ वी जयंती (प्रकाश पुरब) असून त्यांच्या पवित्र चरणकमलांनी पावन झालेल्या कर्नाटक राज्यातील बिदर येथील श्री नानक झिरा साहीब येथे प्रतिवर्षी श्री गुरु नानक देवजी यांचा जयंती महोत्सव (प्रकाश पुरब) मोठ्या उत्साहात साजरा केला जातो या पवित्र तिर्थक्षेत्राच्या दर्शनासाठी हुजूर साहीब नांदेड येथील हजारों भाविक जात असतात श्री गुरु नानक देवजी यांच्या ५५५ व्या जयंती महोत्सवा (प्रकाश पुरब) साठी नांदेड येथील  सिख सिकलकरी समाजातील बारा श्रध्दाळूंचा पायी जत्था आज शुक्रवार दि.०८ नोव्हेंबर रोजी सकाळच्या सुमारास तख्त सचखंड हुजुर साहिब गुरुद्वाऱ्यात नतमस्तक होऊन गुरु महाराज यांच्या समोर अरदास (प्रार्थना) करुन रवाना झाला.

कर्नाटक राज्यातील बिदर येथील पवित्र श्री.नानक झिरा साहीब दर्शनासाठी पायी यात्रा करीत रवाना झालेल्या सिख सिकलकरी समाजातील बलजीतसिंग बावरी,अजितसिंह जुनी,गुलाबसिंग बावरी,जसमिदर सिंग बावरी,रविंदरसिंग बावरी,करणसिंग बावरी,कालू सिंग बावरी,निहालसिंग बावरी,मोनूसिंग बावरी,गुलजीत सिंग जुनी,राजासिंग बावरी यांना यावेळी संत बाबा बलविंदरसिघजी यांनी सन्मानपूर्वक शिरोपाव व आशिर्वाद देऊन रवाना केले....