🌟छत्रपती संभाजीनगर नगरचे एमआयएमचे विधानसभा उमेदवार तथा मा.खा.इम्तियाज जलील यांच्या विरोधात गुन्हा दाखल...!

🌟भाजपा जिल्हा सरचिटणीस जालिंदर महादेव शेंडगे यांनी ॲट्रासिटी ॲक्ट अंतर्गत केला गुन्हा दाखल🌟 

छत्रपती संभाजीनगर (औरंगाबाद) :- छत्रपती संभाजीनगर नगरचे एमआयएमचे माजी खासदार तथा विधानसभा उमेदवार इम्तियाज जलील यांच्यासह त्यांच्या पंधरा ते वीस सहकार्यांवर शहरातील पुंडलिक नगर पोलिस स्थानकात भारतीय जनता पार्टीचे छत्रपती संभाजीनगर जिल्हा सरचिटणीस जालिंदर महादेव शेंडगे यांनी दिलेल्या फिर्यादीवरून ॲट्रासिटी ॲक्ट अंतर्गत भारतीय दंड संहिता (बी एन एस),२०२३ ११५ (२),१९१(२),अनुसूचित जाती व अनुसूचित जमाती (अत्याचार प्रतिबंधक) १९८९,३(१) (आर), ३(१) (एस) कलमांतर्गत गुन्हा दाखल करण्यात आला आहे.

फिर्यादी जालिंदर शेंडगे यांनी दिलेल्या फिर्यादीत असे नमूद करण्यात आले आहे की दि.२० नोव्हेंबर २०२४ रोजी मतदान प्रक्रिया सुरू असताना भाजपाचा एक जवाबदार पदाधिकारी असल्याने मी भारतनगर,पंडित नेहरू कॉलेज येथील मतदान केंद्र क्रं.१९७ येथे मतदान सुरळीत चालू आहे का हे पाहण्यासाठी गेलो असता एमआयएमचे उमेदवार इम्तियाज जलील यांनी पंधरा ते वीस जणांना घेऊन आले. मतदार केंद्रावर मतदारांना धक्काबुक्की करत वाद विवाद केले मला जातीवाचक शिविगाळ करुन लाथाबुक्क्यांनी मारहाण केली. तु माझ्या विरोधात काम करत आहे तुला दाखवतो म्हणत अपमान केला. अशी माहिती फिर्यादी जालिंदर शेंडगे यांनी आपल्या फिर्यादीत नमूद आहे.....