🌟मुख्यमंत्री एकनाथ शिंदे यांच्या उपस्थितीत उबाठा गटाचे माजी खासदार सुभाष वानखेडे यांचा शिवसेनेत प्रवेश.....!

🌟मा.खा.वानखेडे यांच्यासह जिल्हा परिषदेचे मा.उपाध्यक्ष गंगाधर पाटील चाभरेकर यांनी देखील केला शिवसेनेत जाहीर प्रवेश🌟 

नांदेड (दि.१० नोव्हेंबर २०२४) - नांदेड जिल्ह्यातील हदगाव-हिमायतनगर विधानसभा मतदारसंघाचे महायुतीचे उमेदवार बाबुरावजी कदम कोहळीकर यांच्या प्रचारार्थ हिमायतनगर येथील परमेश्वर मंदिर प्रांगणामध्ये महाराष्ट्र राज्याचे मुख्यमंत्री एकनाथ भाई शिंदे यांची प्रचार सभा आयोजित करण्यात आली होती. या प्रचार सभेमध्ये हिंगोली लोकसभेचे माजी खा. सुभाष वानखेडे,जिल्हा परिषदेचे माजी उपाध्यक्ष गंगाधर पाटील चाभरेकर,जिल्हा परिषदेचे माजी सदस्य अनिल पाटील बाभळीकर,हिमायतनगर तालुका काँग्रेस कमिटीचे अध्यक्ष विकास पाटील देवसरकर,काँग्रेस सेवा दलाचे अध्यक्ष जीवन आडे, नगरसेवक सावन डाके या प्रमुख नेत्यासह शेकडो कार्यकर्त्यांनी मुख्यमंत्री एकनाथ शिंदे यांच्या नेतृत्वावर विश्वास ठेवून शिवसेनेमध्ये जाहीर प्रवेश केला आहे. 

या प्रवेशामुळे हदगाव-हिमायतनगर विधानसभा मतदार संघातील महाआघाडीचे उमेदवार माधवराव पाटील जवळगावकर यांचा पराभव निश्चित मानल्या जात आहे या प्रमुख नेत्यांच्या पक्षप्रवेशामुळे माधवराव पाटील जळगावकर नक्कीच अडचणीत येणार असून पराभवाच्या छायेत जाणार असल्याचे तालुक्यातील सर्वसामान्य नागरिकांमध्ये बोलल्या जात आहे माजी खासदार सुभाष वानखेडे,अनिल पाटील बाभळीकर, गंगाधर पाटील चाभरेकर या नेत्यांना तालुक्यातच नव्हे तर संपूर्ण नांदेड जिल्ह्यामध्ये मांडणारा मोठ्या प्रमाणात मतदार वर्ग आहे .त्यामुळे या प्रमुख नेत्यांच्या पक्षप्रवेशामुळे महाआघाडीचे चांगलेच धाबे दणाणले आहेत तसेच महायुतीमध्ये आनंदाचे वातावरण निर्माण झाले आहे. दोन दिवसापूर्वीच माजी खासदार सुभाष वानखेडे यांनी आपल्या ल्याहरी येथील फॉर्म हाऊसवर आपल्या समर्थकांची बैठक आयोजित केली होती. 

या बैठकीला हदगाव-हिमायतनगर तालुक्यातून दहा ते पंधरा हजार समर्थक जमले होते. आपल्या सर्व समर्थकासोबत चर्चा करून माजी खासदार सुभाष वानखेडे यांनी शिंदे गटात जाण्याचा निर्णय घेतला होता. तसेच सर्व समर्थकांना शाही भोजनाची व्यवस्था देखील केली होती. आपल्या सर्व समर्थकांच्या म्हणण्यानुसार त्यांनी हिमायतनगर येथे महाराष्ट्र राज्याचे मुख्यमंत्री एकनाथ भाई शिंदे यांच्या नेतृत्वाखाली शिवसेनेमध्ये जाहीर प्रवेश करून बाबुराव कदम कोहळीकर यांना निवडून आणण्याचा निर्णय घेतला या प्रमुख नेत्याच्या पक्षप्रवेशामुळे तालुक्यातील राजकारण मात्र चांगलेच ढवळून निघाले आहे. महाराष्ट्र राज्याचे मुख्यमंत्री एकनाथ शिंदे यांनी राज्यातील गोरगरीब जनतेसाठी त्यांच्या कल्याणासाठी असंख्य हिताचे निर्णय घेतल्यामुळे महाआघाडीचे अस्तित्व धोक्यात येणार असल्याचे संकेत तालुक्यातील जनतेत चर्चिल्या जात आहे.......