🌟परळी विधानसभा मतदारसंघात ऐतिहासिक विजय मिळवलेले कृषिमंत्री धनंजय मुंडे यांनी घेतली अजित पवार यांची भेट..!

🌟राष्ट्रीय अध्यक्ष अजित पवार यांची मुंबईतील देवगिरी निवासस्थानी भेट घेऊन त्यांचा यावेळी सत्कार केला🌟

बिड (दि.२४ नोव्हेंबर २०२४) : महाराष्ट्र राज्यातील नेमक्याच झालेल्या विधानसभा निवडणुकीत बिड जिल्ह्यातील परळी विधानसभा मतदारसंघातून ऐतिहासिक विजय मिळवून निवडून आलेल्या कृषीमंत्री तथा बिड जिल्ह्याचे पालकमंत्री धनंजय मुंडे व  बीड विधानसभा अध्यक्ष डॉ. योगेश क्षीरसागर यांनी राज्यातील सत्ताधारी महायुती सरकार आणि राष्ट्रवादी काँग्रेस पक्षाच्या घवघवीत यशाबद्दल पक्षाच्या प्रमुख नेत्यांसह राष्ट्रवादी काँग्रेस पक्षाचे राष्ट्रीय अध्यक्ष अजित पवार यांची मुंबईतील देवगिरी निवासस्थानी भेट घेऊन त्यांचा यावेळी सत्कार केला. 

यावेळी राष्ट्रवादी काँग्रेस पक्षाचे राष्ट्रीय अध्यक्ष तथा उपमुख्यमंत्री अजितदादा पवार, प्रदेशाध्यक्ष खासदार सुनील तटकरे, ज्येष्ठ नेते आ. छगनराव भुजबळ यांची मुंबई येथील देवगिरी निवासस्थानी ना.धनंजय मुंडे यांच्यासमवेत डॉ. योगेश क्षीरसागर यांनी भेट घेतली. यावेळी विधानसभा निवडणुकीत महायुती सरकार आणि राष्ट्रवादी काँग्रेस पक्षाच्या यशाबद्दल अजितदादांसह प्रमुख नेत्यांचा सत्कार केला तसेच परळी विधानसभेतील ऐतिहासिक विजयाबद्दल ना.धनंजय मुंडे यांचे देखील नेत्यांनी कौतुक करून अभिनंदन केले. यावेळी राज्याचे क्रीडा मंत्री संजय बनसोडे हे देखील उपस्थित होते.....