🌟महाराष्ट्र राज्यात मुख्यमंत्री एकनाथ शिंदे यांच्या नेतृत्वाखालील महायुतीकडून सत्ता स्थापनेच्या हालचालींना वेग....!

🌟राज्यात सर्वाधिक जागा मिळवलेल्या भाजपला २२,शिवसेने शिंदे गटाला १०,राष्ट्रवादी काँग्रेसला ८ मंत्रीपद मिळण्याची शक्यता🌟

नवी दिल्ली- महाराष्ट्रात नुकत्याच झालेल्या विधानसभा निवडणुकीत मुख्यमंत्री एकनाथ शिंदे,उपमुख्यमंत्री देवेंद्र फडणवीस,उपमुख्यमंत्री अजित पवार यांच्या नेतृत्वाखालील महायुतीला ऐतिहासिक विजय मिळाला असून २३० जागांवर महायुतीचा दणदणीत विजय झाला आहे. यात भारतीय जनता पक्षाला सर्वाधिक १३२,मुख्यमंत्री एकनाथ शिंदे यांच्या शिवसेनेला ५७ तर उपमुख्यमंत्री अजित पवार यांच्या राष्ट्रवादी काँग्रेसला ४१ जागा मिळाल्या आहेत या विजयानंतर महाराष्ट्रात सत्ता स्थापने संदर्भात नवी दिल्लीतून महत्त्वाची बातमी समोर येत आहे. महाराष्ट्राच्या नव्या सरकारमध्ये पहिल्या टप्प्यात शिवसेनेचे ५ आणि राष्ट्रवादी काँग्रेसचे ५ मंत्री शपथ घेणार आहेत या नावांवरही शिक्कामोर्तब झाल्याची माहिती समोर येत आहे. महाराष्ट्रातून आलेल्या ५ नावांवर दिल्लीमध्ये एकमत झाल्याची माहितीही समोर येत आहे.

मंत्रिपदाबाबत महायुतीमध्ये मंत्रिमंडळाचा फॉर्म्युला काय असणार याबाबतही चर्चा सुरू आहे. ६ ते ७ आमदारांच्या मागे एक मंत्रिपद मिळण्याची शक्यता आहे. भाजपचे सध्या १३२ आमदार आहेत, त्यामुळे या फॉर्म्युलानुसार भाजपच्या वाट्याला २२-२४ मंत्रिपदं मिळण्याची शक्यता आहे. तर शिवसेनेच्या ५७ जागा असल्यामुळे त्यांना १०- १२ मंत्रिपदं तसंच राष्ट्रवादीच्या ४१ जागा आल्याने त्यांना ८-१० मंत्रिपदं मिळण्याची शक्यता आहे. दुसरीकडे महाराष्ट्राचा पुढचा मुख्यमंत्री कोण ? याबाबत अजूनही निर्णय झालेला नाही. तीनही पक्षांच प्रमुख नेते बसून मुख्यमंत्रिपदाबाबत निर्णय घेतील, असं महायुतीमधले तीनही पक्ष सांगत आहेत. पण भाजप नेत्यांकडून देवेंद्र फडणवीस यांच्या नावाचा तर शिवसेना नेत्यांकडून एकनाथ शिंदेंच्या नावाचा आग्रह केला जात आहे.......