🌟परभणी जिल्ह्यातील चारही विधानसभा मतदारसंघात 20 नोव्हेंबर रोजी होणार्‍या मतदानासाठी हजारो ईव्हिएम मशीन उपलब्ध...!

🌟ईव्हीएम मशीन यंत्रणांची उपलब्धता झाल्याबरोबर प्रथम सरमिसळ करुन मतदारसंघ निहाय हे यंत्र उपलब्ध करण्यात आले🌟

परभणी (दि.19 नोव्हेंबर 2024) :  परभणी जिल्ह्यातील चारही विधानसभा मतदारसंघात 20 नोव्हेंबर रोजी होणार्‍या मतदानाच्या पार्श्‍वभूमीवर जिल्हा निवडणूक निर्णय अधिकार्‍यांनी मोठ्या प्रमाणावर ईव्हीएम मशीन तैनात केल्या आहेत.

            ईव्हीएम मशीन यंत्रणांची उपलब्धता झाल्याबरोबर प्रथम सरमिसळ करुन मतदारसंघ निहाय हे यंत्र उपलब्ध करण्यात आले. तसेच जिंतूर मतदारसंघामध्ये 17 उमेदवार असल्यामुळे त्या ठिकाणी दोन बीयू लागणार आहेत, त्याची पूर्व सरमिसळ करण्यात आली. तद्नंतर द्वितीय सरमिसळ करुन ईव्हीएमला बॅलेट पेपर जोडण्याची प्रक्रिया त्या त्या विधानसभा मतदारसंघात राजकीय पक्षांच्या प्रतिनिधींच्या तसेच उमेदवारांच्या प्रतिनिधींच्या साक्षीने करण्यात आली.

           दरम्यान, जिंतूर विधानसभा मतदारसंघात 2 बीयू लागणार आहेत. त्यासाठी 963 बीयू, 525 सीयू व 569 व्हीव्हीपॅट मशीन, परभणी विधानसभा मतदारसंघात 405 बीयू, 405 सीयू व 439 व्हीव्हीपॅट, गंगाखेड विधानसभा मतदारसंघात 518 बीयू, 518 सीयू व 561 व्हीव्हीपॅट मशीन, तर पाथरी विधानसभा मतदारसंघात 498 बीयू, 498 सीयू व 539 व्हीव्हीपॅट मशीन तैनात केल्या आहेत. असे एकूण चार मतदारसंघात 2 हजार 384 बीयू, 1 हजार 946 सीयू व 2 हजार 108 व्हीव्हीपॅट मशीन उपलब्ध केल्या आहेत.....