🌟पॅंथर आंदोलनातील दोन पॅंथरची पंचवीस वर्षानंतर अचानक झाली भेट....!

🌟यावेळी आंबेडकरी विचारवंत प्रकाश कांबळे व इंजि.भीमराव सावतकरांनी पॅंथर आंदोलनातील रोमहर्षक आठवणींना दिला उजाळा🌟 

पॅंथर चळवळीतील अग्रणी सुप्रसिद्ध आंबेडकरी विचारवंत आदरणीय प्रकाश कांबळे व पॅंथर विचाराला समर्पितपणे वाहून घेतलेले इंजिनीयर भीमराव सावतकर यांची भेट बुद्ध विहार पूर्णा या ठिकाणी दिनांक 29 सप्टेंबर 2024 रोजी सायंकाळी झाली इंजिनीयर भीमराव सावतकर हे कळमनुरीचे आमदार सन्माननीय संतोष बांगर यांचे पीए आहेत. 

कळमनुरी परिसरामध्ये भदंत चंद्र मुनी महाथेरो विपश्यनाकेंद्राचा भूमिपूजन सोहळा दिनांक 29 सप्टेंबरला लाखो श्रद्धा संपन्न उपासक उपासिकांच्या उपस्थितीमध्ये पार पडला अखिल भारतीय भिख्खू संघाचे कार्याध्यक्ष भदंत डॉक्टर उपगुप्त महाथेरो श्रेया कार्यक्रमाचे प्रमुख मार्गदर्शक होते कार्यक्रमाचा सुंदर आयोजन नियोजन इंजिनीयर भीमराव सावतकर यांनी अतिशय कल्पकतेने श्रद्धा भावनेने केले होते मुद्दामहून ते पूर्णा या ठिकाणी पूज्यभंतेंना भेटण्यासाठी वंदन करण्यासाठी आले होते

 यावेळी दोन पॅंथरची भेट झाली पॅंथर आंदोलनातील रोमहर्षक आठवणींना उजाळा दिला गेला खऱ्या अर्थाने दलित पॅंथर चळवळीला मराठवाड्यातील पॅथरने लौकिक अर्थाने बळ दिले होते परंतु सत्तेची फळे पश्चिम महाराष्ट्र विदर्भाने चाखली अशा प्रकारचे खंत त्यांनी व्यक्त केली.पॅंथर चळवळीतील उच्चशिक्षित अभ्यासू व्यक्तिमत्व माजी आमदार टी एम कांबळे यांच्या ही आठवणीला उजाळा दिला गेला.....