🌟राज्याचे उपमुख्यमंत्री देवेंद्रजी फडणवीस,मुख्यमंत्री एकनाथजी शिंदे यांच्या केंद्राकडील पाठपुराव्याला यश - ज्ञानोबा डुकरे

🌟निश्चितच आता मराठी भाषेला अभिजात भाषेचा दर्जा प्राप्त झाल्यामूळे,मराठी प्राचीन ग्रंथांचे संकलन होईल🌟

 भाषेला अभिजात दर्जा प्राप्त होण्यासाठी प्राचीनता, श्रेष्ठत्व,स्वयंभूपणा व सलगता हे निकष असावे लागतात व ते मराठी भाषेने निश्चितच पूर्ण केले आहेत हे आतापर्यंतच्या अनेक लेखी पुराव्यानिशी सिद्ध झालेले आहे. मराठी भाषाही 1012 साली पुष्कळ प्रमाणात बोलली जायची सुद्धा   रायगडमधील चाल मार्गावर अक्षी येथील शिलालेखाद्वारे शिद्ध झाले आहे.मराठी भाषा ही यादव काळात बोलली जाणारी भाषा आहे याचे अनेक पुरावे उपलब्ध आहेत.मराठी भाषा राष्ट्रीय स्तरावर चौथ्या क्रमांकावर बोलली जाणारी भाषा आहे तर जागतीक स्तरावर दहाव्या क्रमांकावर निश्चितच बोलली जात असलेली भाषा आहे यात इतकिंचीतही दुमत नाही.गोमंतक भाषा सुद्धा मराठी भाषेशी मिळती जुळती भाषा आहे हे सुद्धा सांगायला नको.

मराठी भाषेला अभिजात भाषेचा दर्जा मिळवण्यासाठी अनेक वाङ्मयीन चळवळीद्वारे अनेक वेळा पत्र व्यवहार करून,साहित्य संम्मेलनात समारोपाच्या कार्यक्रमात  ठराव पारित करून राज्य शासनाचे साहित्यिकांनी लक्ष वेधून घेतलेले आहे.राज्याचे मुख्यमंत्रीपदी असताना देवेंद्रजी फडणवीस यांनी केंद्र सरकारकडे अनेक वळा पाठपुरावा केला होता.राज्याचे मुख्यमंत्री एकनाथजी शिंदे यांच्या कारकिर्दीत म्हणजे सद्यस्थितीत केंद्र सरकारकडे एक पाठपुरावा समिती सुद्धा नेमली होती म्हणूनच आज दि.03 ऑक्टोबर 2024 हा गुरूवार दिवस मराठी जगतात सोन्याचा दिवस उजाडला आहे.

     निश्चितच आता मराठी भाषेला अभिजात भाषेचा दर्जा प्राप्त झाल्यामूळे,मराठी प्राचीन ग्रंथांचे संकलन होईल.मराठी भाषेच्या अभ्याला चालना मिळेल.मराठी भाषेतील संशोधनास केंद्र सरकारचे भरीव योगदान मिळेल.साहित्य संग्रहास गती मिळेल.ग्रंथालय चळवळ सश्रद्ध होईल.अनेक दस्तावेज मराठी भाषेत तयार होतील.केंद्र सरकारकडून मराठी भाषा जास्तीत जास्त समृद्ध करण्यासाठी आर्थिक सहकार्य होईल.मराठी भाषेला स्वाभिमान प्राप्त होईल असेही म्हणता येईल.

   म्हणून मराठी भाषेला अभिजात भाषेचा दर्जा प्राप्त करून देण्यासाठी महाराष्ट्र राज्याचे मुख्यमंत्री तथा विद्यमान उपमुख्यमंत्री देवेंद्रजी फडणवीस,राज्याचे विद्यमान मुख्यमंत्री एकनाथजी शिंदे यांनी दिल्ली दरबारी अनेक वेळा दौरा करून देशाचे पंतप्रधान ना.नरेंद्रजी मोदी यांना मराठी भाषेला अभिजात भाषेचा सन्मान मिळवून देणे किती क्रमप्राप्त आहे पटऊन दिले व विद्यमान उपमुख्यमंत्री ना.देवेंद्रजी फडणवीस व विद्यमान मुख्यमंत्री ना.एकनाथजी शिंदे यांना यात यश आले म्हणून दोन्ही सन्माननीय महोदयांचे आभार.

      - ज्ञानोबा डुकरे (डी.सी.)

    मराठवाडा साहित्य परिषद 

       आजीव सदस्य 

   छत्रपती संभाजीनगर