🌟भारत-पाकीस्तान युध्दात शहिद झालेल्या विरजवानाचा पुर्णा तालुक्यातील गौर ग्रामपंचायत प्रशासनाकडून अवमान....!

🌟गौर ग्रामपंचायत ग्रामविकास अधिकारी अंजली लाडेकर व  सरपंच/उपसरपंचांवर तात्काळ गुन्हा दाखल करण्यात यावा🌟 

(भारत-पाकीस्तान युध्दात आपल्या प्राणांची आहुती दिलेल्या शहिद विरजवानही 'आदर्श आचारसंहितेच्या' विळख्यात ?)

✍🏻परखड सत्य - चौधरी दिनेश (रणजित)

परभणी/हिंगोली संयुक्त जिल्हा असतांना सन १९६५ साली झालेल्या भारत-पाकीस्तान युध्दात दि.१२ सप्टेंबर १९६५ रोजी हेलिकॉप्टर मधून भारतीय सैनिकांना रसद पुरवण्यास जाते वेळी शत्रू सैन्याने केलेल्या रॉकेट हल्ल्यात शहिद झालेल्या परभणी/हिंगोली या संयुक्त जिल्ह्यातल्या पुर्णा तालुक्यातील गौर येथील शहिद विरजवान सुर्यकांतराव नामदेवराव जोगदंड यांना त्यांचे जन्मगाव असलेल्या गौर गावातील ग्रामपंचायत प्रशासनाकडूनच यथोचित सन्मान मिळत नसून उलट वेळोवेळी या शहिद विरजवानाला अपमानीत करण्यात येत असल्याचा गंभीर प्रकार होत असल्यामुळे शहिद विरजवानाचा होणारा अपमान थांबला पाहिजे या दृष्टिकोनातून जंग-ए-अजित न्यूज हेडलाईन्स वृत्तवाहिनीच्या माध्यमातून आम्ही दि.१३ आक्टोंबर २०२४ रोजी 'पुर्णा तालुक्यातील गौर ग्रामपंचायत प्रशासनाचा निर्लज्ज कारभार ? भारत-पाक युध्दातील शहिदाच्या स्मारकाचा केला अवमान...जिल्हाधिकारी रघुनाथ गावडे यांनी तात्काळ लक्ष देऊन कठोर उपाययोजना करण्याची सर्वसामान्य जनतेची मागणी' या मथळ्याखाली सविस्तर वृत्त प्रकाशित करुन शाहिद विरजमान सुर्यकांत जोगदंड यांच्या स्मारकाच्या जागेसह शहिदांच्या सन्मानार्थ लावलेल्या सन्मान शिल्पांच्या झालेल्या दुरावस्थेकडे गौर ग्रामपंचायतीचे ग्रामविकास अधिकारी अंजली लाडेकर व ग्रामपंचायत सरपंच/उपसरपंच यांचे लक्ष वेधण्याचा प्रामाणिक प्रयत्न केला.

परंतु भ्रष्ट कारभाराला प्राथमिकता देत संपूर्ण गावातील विकासाची सर्वार्थाने वाट लावलेल्या गौर ग्रामपंचायत प्रशासनाने नेहमी प्रमाणे निव्वळ गेंड्याचे कातडे पांघरल्यागत शहिद विरजवान सुर्यकांतराव जोगदंड यांच्या स्मारकासाठी आरक्षित केलेल्या गौर जिल्हा परिषद प्राथमिक शाळे समोरील स्मारकाच्या जागेची साफसफाई करून तातडीने दुरुस्ती करणे तर सोडाच उलट शहिद विरजवानांच्या सन्मानार्थ लावलेल्या शिल्पांवर पेपर चिटकवून आपल्या अनागोंदी व मुर्खपणाचा प्रत्यय देत शहिद जवानांचा जाणीवपूर्वक अपमान केला असल्याचे निदर्शनास येत असून परभणीचे जिल्हाधिकारी रघुनाथ गावडे या प्रकरणात तात्काळ लक्ष देऊन सन १९६५ च्या भारत-पाकीस्तान युध्दात देशासाठी आपल्या प्राणांची आहुती दिलेल्या शहिद विराजमान सुर्यकांत नामदेवराव जोगदंड यांचा अवमान केल्याप्रकरणी गौर ग्रामपंचायत ग्रामविकास अधिकारी अंजली लाडेकर व  सरपंच/उपसरपंचांवर यांच्यावर तात्काळ गुन्हा दाखल करावा अशी मागणी जनसामान्यांतून होत आहे......