🌟महाराष्ट्र विधानसभा निवडणुकीसाठी काँग्रेसची ४८ उमेदवारांची पहिली यादी जाहीर....!

🌟पृथ्वीराज चव्हाण,बाळासाहेब थोरात,नाना पटोले,विजय वडेट्टीवार,राहुल बोंद्रे आदी दिग्गजांना उमेदवारी🌟

 ✍️ मोहन चौकेकर 

महाराष्ट्र विधानसभा निवडणुकीसाठी काँग्रेसने पहिली उमेदवार यादी जाहीर केली आहे. पहिल्या उमेदवार यादीमध्ये ४८ उमेदवारांच्या नावांची घोषणा करण्यात आली आहे काँग्रेसच्या उमेदवार यादीबाबत गेल्या अनेक दिवसांपासून उत्सुकता होती. विशेष म्हणजे महायुतीच्या तीनही घटक पक्षांनी उमेदवारांची यादी जाहीर केली, महाविकास आघाडीतून ठाकरे गट आणि शरद पवार गटाकडून उमेदवारांची यादी जाहीर करण्यात आली होती. यानंतर काँग्रेस पक्षाकडून उमेदवारांची यादी जाहीर करण्यात आली आहे. या यादीत एकूण 48 उमेदवारांची नावे जाहीर करण्यात आली आहे. काँग्रेसच्या या यादीत काही ठिकाणी विद्यमान आमदारांना पुन्हा संधी देण्यात आली आहे. तर काही ठिकाणी नव्या चेहऱ्यांना संधी देण्यात आली आहे. महाविकास आघाडीत जागावाटपाचा तिढा सुटला नव्हता. त्यामुळे काँग्रेसची उमेदवार यादी येण्यास विलंब झाला. अजूनही अनेक जागांवरचे उमेदवार जाहीर करण्यात आलेले नाहीत.

अखेर महाविकास आघाडीच्या जागावाटपाच्या चर्चेनंतर काँग्रेसकडून देखील उमेदवारांची पहिली यादी जाहीर करण्यात आली आहे. काँग्रेसकडून विधानसभा निवडणुकीसाठी एकूण 48 उमेदवारांच्या नावांची घोषणा करण्यात आली आहे. यामध्ये अक्कलकुवातून के. सी. पाडवी, शहादा येथून राजेंद्र गावित, धुळे ग्रामीणमधून कुणाल पाटील, नंदुरबारमधून किरण तडवी, रावेरमधून धनंजय चौधरी, मलकापूरमधून राजेश एकडे, नवापूर येथून शिरीशकुमार नाईक, चिखलीतून राहुल बोंद्रे यांच्या नावांचा समावेश आहे.धारावीतून वर्षा गायकवाड यांच्या भगिणी डॉक्टर ज्योती गायकवाड यांना उमेदवारी जाहीर करण्यात आली आहे. तर माजी मंत्री नसीम खान यांना चांदीवलीतून उमेदवारी जाहीर करण्यात आली आहे. तिथे त्यांना मुख्यमंत्री एकनाथ शिंदेंच्या शिवसेनेच्या दिलीप लांडे यांचं आव्हान असणार आहे.काँग्रेसच्या पहिल्या यादीमध्ये माजी मुख्यमंत्री पृथ्वीराज चव्हाण, प्रदेशाध्यक्ष नाना पटोले, बाळासाहेब थोरात यासारख्या ज्येष्ठ आमदारांचा समावेश आहे. धारावीतून खासदार वर्षा गायकवाड यांच्या बहिण डॉ. ज्योती एकनाथ गायकवाड यांना उमेदवारी देण्यात आली आहे. काँग्रेस प्रदेशाध्यक्ष नाना पटोले यांना साकोली, विधीमंडळ नेते बाळासाहेब थोरात – संगमनेर, विरोधीपक्ष नेते विजय वडेट्टीवार यांना ब्रम्हपुरी, माजी मुख्यमंत्री पृथ्वीराज चव्हाण यांना कराड दक्षिण, CWC सदस्य व प्रदेश कार्याध्यक्ष नसीम खान यांना चांदिवली, अमरावतीमधून डॉ. सुनील देशमुख तर नागपूर दक्षिण-पश्चिममधून देवेंद्र फडणवीस विरुद्ध प्रफुल्ल गुडदे यांना उमेदवारी दिली आहे.

* काँग्रेसची ४८ उमेदवारांची पहिली यादी :-

1. अक्कलकुवा - ॲड. के.सी. पडवी (ST)

2.शहादा - राजेंद्रकुमार कृष्णराव गावित (ST)

3. नंदुरबार - किरण दामोदर तडवी (ST)

4.नवापूर -  श्रीकृष्णकुमार सुरुपसिंग नाईक (ST)

5.साक्री - एसटी प्रवीणबापू चौरे

6.धुळे ग्रामीण -  कुणाल रोहिदास पाटील

7.रावेर - ॲड. धनंजय शिरीष चौधरी

8.मलकापूर - राजेश पंडितराव एकडे

9.चिखली - राहुल सिद्धिविनायक बोंद्रे

10.रिसोड - अमित सुभाषराव झनक

11.धामणगाव रेल्वे -प्रा.वीरेंद्र वाल्मीकराव जगताप

12. अमरावती- डॉ. सुनील देशमुख

13.तेओसा - ॲड. यशोमती चंद्रकांत ठाकूर

14.अचलपूर - अनिरुद्ध @ बबलूभाऊ सुभानराव देशमुख

15.देवळी - रणजित प्रताप कांबळे

16.नागपूर दक्षिण पश्चिम -  प्रफुल्ल विनोदराव गुडधे

17.नागपूर मध्यवर्ती -  बंटी बाबा शेळके

18.नागपूर पश्चिम -  विकास पी. ठाकरे

19. नागपूर उत्तर - डॉ. नितीन काशिनाथ राऊत

20 साकोली -  नानाभाऊ फाल्गुनराव पटोले

21.गोंदिया-  गोपालदास शंकरलाल अग्रवाल

22.राजुरा-  सुभाष रामचंद्रराव धोटे

23.ब्रह्मपुरी -  विजय नामदेवराव वडेट्टीवार

24.चिमूर -  सतीश मनोहरराव वारजूकर

25.हदगाव -  माधवराव निवृत्तीराव पवार पाटील

26 भोकर-  तिरुपती बाबुराव कदम कोंडेकर

27 नायगाव - मीनल निरंजन पाटील (खतगावकर)

28 पाथरी - सुरेश अंबादास वरपुडकर

29 फुलंब्री -  विलास केशवराव औताडे

30 मीरा भाईंदर - सय्यद मुजफ्फर हुसेन

31 मालाड पश्चिम - अस्लम आर. शेख

32 चांदिवली - मोहम्मद आरिफ नसीम खान

33 धारावी - डॉ.ज्योती एकनाथ गायकवाड (ST)

34 मुंबादेवी - अमीन अमीराली पटेल

35 पुरंदर - संजय चंद्रकांत जगताप

36 भोर - संग्राम अनंतराव थोपटे

37 कसबा पेठ - रवींद्र हेमराज धंगेकर

38 संगमनेर - विजय बाळासाहेब थोरात

39 शिर्डी - प्रभावती जे.घोगरे

40 लातूर  ग्रामीण - धीरज विलासराव देशमुख

41  लातूर शहर - अमित विलासराव देशमुख

42 अक्कलकोट - सिद्धाराम सातलिंगप्पा म्हेत्रे

43 कराड दक्षिण - पृथ्वीराज चव्हाण

44 कोल्हापूर दक्षिण - रुतुराज संजय पाटील

45 करवीर - राहुल पांडुरंग पाटील

46 हातकणंगले - राजू जयंतराव आवळे (SC) 

47 पलूस-कडेगाव - डॉ.विश्वजीत पतंगराव कदम

48 जत - विक्रमसिंह बाळासाहेब सावंत

या यादीत दिवंगत विलासराव देशमुख यांच्या दोन मुलांना तिकीट , उमेदवारी देण्यात आले असून अमित देशमुख यांना लातूर शहर तर धीरज  देशमुख ग्रामीण मतदारसंघातून उमेदवारी देण्यात आली आहे.....

 ✍️ मोहन चौकेकर