🌟वाशीम लाचलुचपत प्रतिबंधक विभागाने शेतकऱ्यांकडून एनओसी साठी एक हजाराची लाच घेणाऱ्या लिपीकाला केले गजाआड...!

🌟लाच लुचपत प्रतिबंधक विभागाने केलेल्या या कारवाईमुळे लाचखोर अधिकारी कर्मचाऱ्यांमध्ये खळबळ माजली आहे🌟 

वाशीम:-वाशिम जिल्ह्यात लाच लुचपत प्रतिबंधक विभागाकडुन पुन्हा एकदा धडाकेबाज कारवाई करण्यात आली आहे.वाशीम जिल्ह्याच्या रिसोड तालुक्यातील एका शेतकऱ्याला एक हजार रुपयांची लाचेची मागणी करून ती स्वीकारणे एका बाबुला चांगलेच महागात पडले असून वाशीम एसीबीने त्याला लागलीच गजाआड केल्याने त्याची पाचावर धारण बसली आहे.

             तक्रारदार शेतकऱ्याने त्याचे काकाचे नावावर असलेली शेती स्वतःच्या नावावर करणे करिता मृद व जलसंधारण विभागाकडून "ना हरकत प्रमाणपत्र" मिळणे करिता दि.३/१०/२०२४ रितसर अर्ज केला असता संबंधित लिपीकाने त्यांना पंचासमक्ष एक हजार रुपयाच्या लाचेची मागणी केल्याचे निष्पन्न झाले. आज दि.७/१०/२०२४ रोजी पंचा समक्ष लाच रक्कम १००० रुपये तक्रारदार यांचे कडून स्विकारली असता आरोपीला ताब्यात घेऊन त्यांचेविरुद्ध पो.स्टे.रिसोड येथे भ्रष्टाचार प्रतिबंधक कायद्यानुसार गुन्हा दाखल करण्यात आला आहे.स्वप्निल वसंत जाधव,वय ३० वर्षे,पद कनिष्ठ सहाय्यक, मृद व जलसंधारण उपविभागीय कार्यालय रिसोड जि.वाशिम,रा.एकता नगर रिसोड जिल्हा वाशिम याने अर्जदार शेतकऱ्याला ना हरकत प्रमाणपत्र देण्यासाठी १००० रुपयांची मागणी केली होती.सदरहू कारवाई गजानन आर.शेळकेपोलीस उप अधीक्षक,ला.प्र.वि.वाशिम यांचे मार्गदर्शनात सापळा व तपास अधिकारीश्रीमती अलका गायकवाड,पोलीस निरीक्षक, 

ला.प्र.वि. वाशिम व सापळा कार्यवाही पथक बालाजी तिप्पलवाड,पोलीस निरीक्षक,पोहवा विनोद अवगळे,विनोद मार्कंडे योगेश खोटे,राहुल व्यवहारे,रवींद्र घरत,चापोशि नाविद शेख ला.प्र.वि.वाशिम यांनी यशस्वी केली.

प्रतिनीधी:-फुलचंद भगत

मंगरूळपीर/वाशिम