🌟परभणी विधानसभ मतदार संघातील वंचितचे उमेदवार माजू लाला यांचा उमेदवारी अर्ज छाननी प्रक्रियेत झाला बाद...!

🌟छाननीमध्ये माजू लाला यांच्या नामनिर्देशन अर्जातील तांत्रिक चुकीमुळे त्यांचा उमेदवारी अर्ज अवैध ठरविण्यात🌟

परभणी (दि.30 आक्टोंबर 2024) : परभणी विधानसभा मतदारसंघातून वंचित बहुजन आघाडीचे अधिकृत उमेदवार सय्यद समी उर्फ माजू लाला यांचा उमेदवारी अर्ज आज बुधवार दि.30 आक्टोंबर रोजी झालेल्या छाननी प्रक्रियेतून बाद ठरला आहे.

              परभणी येथील तहसील कार्यालयात विधानसभा निवडणुकीसाठी दि.22 ते 29 ऑक्टोबरपर्यंत दाखल करण्यात आलेल्या उमेदवारी अर्जांची छाननी प्रक्रिया आज बुधवारी आयोजित करण्यात आली होती. यावेळी निवडणूक विभागाचे सर्व अधिकारी तसेच संबंधित उमेदवारांसह त्यांचे प्रतिनिधी उपस्थित होते.

                   या निवडणूकीत उमेदवारी अर्ज दाखल केलेल्या महाविकास आघाडी व महायुतीच्या दोन प्रमुख तूल्यबळ उमेदवारांचे अर्ज छाननीत वैध ठरले. परंतु, या दुरंगी लढतीत रंग भरणारे वंचित बहुजन आघाडीचे उमेदवार माजू लाला यांचा उमेदवारी अर्ज छाननीत बाद ठरविण्यात आला.

                  छाननीमध्ये माजू लाला यांच्या नामनिर्देशन अर्जातील  तांत्रिक चुकीमुळे त्यांचा उमेदवारी अर्ज अवैध ठरविण्यात आल्याचे निवडणूक अधिकार्‍यांनी स्पष्ट केले. त्यामुळे या निवडणूकीत वंचित बहूजन आघाडीच्या उमेदवाराचा अर्ज बाद झाल्याने आता दोन शिवसेनेत सरळ लढत होण्याची शक्यता आहे......