🌟भारतीय सैन्यदल,नौदल व वायुदलात अधिकारी पदाच्या भरती होण्यासाठी पूर्व प्रशिक्षणाची सुवर्णसंधी....!

🌟त्यासंबंधीचे पात्रता प्रमाणपत्र प्रशिक्षण वर्गाला येताना सोबत आणावेत🌟

परभणी (दि.23 सप्टेंबर 2024) :- भारतीय सैन्यदल,नौदल व वायुदलामध्ये अधिकारी पदावर भरती होण्यासाठी पात्र उमेदवारांना एसएसबी परीक्षेची पूर्वतयारी करून घेण्यासाठी छात्रपूर्व प्रशिक्षण केंद्र, नाशिक रोड, नाशिक येथे राज्य शासनातर्फे दि.14 ते 23 ऑक्टोबर 2024 या कालावधीत एसएसबी कोर्स क्र. 58 आयोजित करण्यात येत आहे. या कालावधीत प्रशिक्षणार्थींना नि:शुल्क प्रशिक्षण व निवास भोजन दिले जाते.

परभणी जिल्हातील इच्छुक उमेदवारांनी सैन्य दलातील अधिकारी पदाची संधी उपभोगण्यासाठी जिल्हा सैनिक कल्याण कार्यालय, परभणी येथे मंगळवार, दि.8 ऑक्टोबर 2024 रोजी मुलाखतीस येतेवेळी सैनिक कल्याण विभागच्या संकेतस्थळावर एसएसबी-58कोर्ससाठी (किंवा संबंधित जिल्हा सैनिक कल्याण कार्यालयाने प्रिंट दिलेल्या प्रवेशपत्र व त्यासोबत परिशिष्टांची प्रत परिपूर्ण भरून सोबत आणावी. या प्रशिक्षणामध्ये प्रवेश मिळण्यासाठी खालील पात्रता असणे आवश्यक आहे व त्यासंबंधीचे पात्रता प्रमाणपत्र प्रशिक्षण वर्गाला येताना सोबत आणावेत. 

कंम्बाईड डिफेन्स सर्व्हिसेस एक्झामिनेशन (सीडीएसई-युपीएससी) अथवा नॅशनल डिफेंस अॅकेडमी एक्झामिनेशन (एनडीए- युपीएससी) पास झालेली असावी व त्यासाठी सर्व्हिसेस सिलेक्शन बोर्ड मुलाखतीसाठी पात्र झालेले असावे. एनसीसी सर्टिफिकेट 'ए' किंवा 'बी' ग्रेडमध्ये पास झालेले असावेत व एनसीसी ग्रुप हेडक्वार्टरने एसएसबीसाठी शिफारस केलेली असावी.  टेक्नीकल ग्रॅज्युएट कोर्ससाठी एसएसबी मुलाखतीसाठी कॉल लेटर असावे. विद्यापीठ प्रवेश प्रणालीसाठी एसएसबी कॉल लेटर असावे किंवा एसएसबीसाठी शिफारस केलेल्या यादीत नाव असावे. 

अधिक माहितीसाठी प्रभारी अधिकारी, छात्रपूर्व प्रशिक्षण केंद्र, नाशिक रोड, नाशिक यांचा ईमेल आयडी training.petenashik@gmail.com व दूरध्वनी 0253-2451032 किंवा व्हाट्सअप क्र. 9156073306 वर कार्यालयीन वेळेत प्रत्यक्ष अथवा दूरध्वनीवर संपर्क करावा, असे आवाहन जिल्हा सैनिक कल्याण अधिकारी परभणी यांनी केले आहे.....

*****