🌟पुर्णा शहरासह तालुक्यात झालेल्या मुसळधार पावसाचा मुर्तीकारांना बसला जोरदार फटका.....!

🌟गोरगरीब कुंभार मुर्तीकारांनी कष्टाने घडवलेल्या गौरी गणपती बैल मुर्त्यांचे मुसळधार पावसामुळे मोठ्या प्रमाणात नुकसान🌟

पुर्णा (विशेष वृत्त :- चौधरी दिनेश रणजित) :- पुर्णा शहरासह संपूर्ण तालुक्यात झालेल्या मुसळधार अतिवृष्टीचा फटका अन्यदाता कष्टकरी शेतकऱ्यांना ज्याप्रमाणे बसला त्याच प्रमाणे रात्रंदिवस डोळ्यात तेल ओतून श्री गणेश महोत्सवासह श्री महालक्ष्मी पुजनासाठी गणपती/महालक्ष्मीच्या मुर्त्या घडवून त्या मुर्ती विक्रीतून आपला उदरनिर्वाह चालवणाऱ्या कुंभार समाजातील गोरगरीब मुर्तीकारांना देखील बसल्याने त्यांच्या वर्षभराच्या कमाईवर अक्षरशः पाणी फेरल्या गेल्याचा गंभीर प्रकार समोर आला असल्याने प्रशासनाने या गोरगरीब कष्टकरी मुर्तीकारांच्या देखील झालेल्या नुकसानीची पाहणी करुन त्यांचा नैसर्गिक आपत्तीग्रस्तांमध्ये समावेश करुन नुकसान भरपाई द्यावी अशी मागणी समोर येत आहे.

परभणी जिल्ह्यासह पुर्णा शहर व तालुक्यात दि.३१ ऑगस्ट २०२४ रोजीच्या रात्री १२.०० वाजेपासून मुसळधार पावसाला सुरुवात झाली या पावसामुळे पुर्णा/थुना/गोदावरी नदीपात्रांसह ओढे नाल्यांच्या तसेच महामार्गांच्या आसपास बसलेल्या कुभार समाजातील मुर्तीकारांच्या घर/गोदामांमध्ये मुसळधार पावसाचे पाणी शिरुन गणपती/महालक्ष्मी तसेच पोळ्याच्या पुजेसाठी घडवण्यात आलेल्या मुर्त्यांसह मडके गाडगे तसेच मातीच्या साहित्यांची प्रचंड प्रमाणात नासधूस झाल्याने गोरगरीब कष्टकरी मुर्तीकारांच्या वर्षभराच्या कमाईवर काळाची झडप पडल्याने या कुंभार समाजातील गोरगरीबांच्या डोळ्यात अश्रूंचे बांध फुटले आहेत.

पुर्णा नदीकाठावरील तसेच शहरातील नवीन वसाहत गवळी गल्ली,अजिज नगर,पुर्णा-झिरोफाटा रोडवरील तसेच पुर्णा-नांदेड रोडवरील कुंभार समाजातील मुर्तीकारांच्या घर/गोदामांमध्ये मुसळधार पावसाचे पाणी शिरुन श्री गणपती/महालक्ष्मी मुर्त्यांचे मोठ्या प्रमाणात नुकसान झाले असून झिरोफाटा रोडवरील विष्णू बालाजी पिंपरणे यांचे श्री विनायक आर्ट्सचे मुर्तीचे गोदाम अक्षरशः पावसाच्या पाण्यात गेल्याने त्यांचे मोठ्या प्रमाणात नुकसान झाले असून श्री गणेशाची मुर्त्यांची प्रचंड नासधूस झाली असल्यामुळे प्रशासनाने अन्यदाता शेतकरी बांधवांच्या नुकसानीसह गोरगरीब कष्टकरी मुर्तीकारांच्या झालेल्या नुकसानीची देखील पाहणी करून त्यांना देखील तातडीने नुकसान भरपाई द्यावी अशी मागणी होत आहे.........