🌟दैनिक एकमतच्या कृतज्ञता सन्मान पुरस्काराने जनस्वराज्य फाऊंडेशनचे अध्यक्ष रामराजे भोसले सन्मानित....!

🌟रामराजे भोसले यांना  ग्रामविकास क्षेत्रात केलेल्या भरीव कामांबाबत कृतज्ञता सन्मान पुरस्कार प्रदान🌟 

परभणी :- दैनिक एकमताचा ३३ वा वर्धापन दिन दि. २७ ऑगस्ट २०२४ रोजी श्री शिवाजी सभागृह, श्री शिवाजी महाविद्यालय, परभणी येथे पार पडला.या वर्धापनदिनी शैक्षणिक, ग्रामविकास सामाजिक,कृषी,उद्योग,आरोग्य क्षेत्रात उलेखनीय कामगिरी केलेल्या मान्यवरांना सन्मानचिन्ह देवून सन्मानित करण्यात आले. यात जनस्वराज्य फाऊंडेशनचे अध्यक्ष रामराजे भोसले यांना  ग्रामविकास क्षेत्रात केलेल्या भरीव कामांबाबत कृतज्ञता सन्मान पुरस्कार प्रदान करण्यात आला. 

रामराजे भोसले यांनी अतिशय कमी वयात गावातील जिल्हा परिषद प्राथमिक शाळा डिजिटल करून मुंबई,  पूणे शहरातील शाळेतही नसतील अशा भौतिक सुविधा शाळेत उपलब्ध करून दिलेल्या आहेत व शाळेला आय.एस.ओ. मानांकन दर्जा प्राप्त करून दिला आहे. तसेच गावात सार्वजनिक स्वयंपाक सभागृह, ३३० नारळाची लागवड , ११५० नारळांची रोपे तयार केलेली आहेत. स्मशानभूमीची भव्य अशी कमान, सार्वजनिक ठिकाणी सोलार प्लांट, शेतक-यांना व गाक-यांसाठी अडचण ठरणारे तुटलेले पूल बांधण्यात आले व गावात दरवर्षी विविध प्रकारचे झाडे लावून त्याची जोपासना केली या योगदानाबद्दल त्यांना दैनिक एकमताच्या कृतज्ञता पुरस्काराने सन्मानित करण्यात आले. आदर्श गाव करण्याचे स्वप्न बाळगणारे सुहागन गावचे भूषण असलेल्या रामराजे भोसले यांचा योग्य ठिकाणी सन्मान झाल्याची भावना गावक-यांनी व्यक्त केली.....