🌟उपविभागीय पोलीस अधिकारी आयुष्मान एकनाथराव पाडळे यांचा सत्कार म्हणजे गृह खात्यातील माणुसकीचा सन्मान होय...!

🌟उपविभागीय पोलीस अधिकारी आयुष्मान एकनाथराव पाडळे यांच्या सत्कार सोहळ्या प्रसंगी डॉ.संघर्ष सावळे यांचे प्रतिपादन🌟 

✍️ मोहन चौकेकर 

संभाजीनगर ( औरंगाबाद )  : जिल्हा पोलीस अधीक्षक कार्यालय, बुलढाणा येथे पोलीस निरीक्षक पदी नियुक्त असताना मागील काही दिवसात बदली होऊन छ. संभाजीनगर येथे रुजू झालेले तथा आपल्या कर्तव्यदक्ष आणि सविनय कार्यक्षमतेखातीर लगेचच पदोन्नती मिळून उपविभागीय पोलीस अधिकारी म्हणून छ. संभाजीनगरलाच नियुक्त झालेले मा. आयुष्मान एकनाथराव पाडळे या एका अत्यंत सहृदय तसेच आपल्या प्रभावी कार्यक्षमतेमुळे विभागातंच नव्हे तर जनमानसात सुध्दा आपली विशेष ओळख निर्माण करणाऱ्या   आगळ्या वेगळ्या व्यक्तिमत्वाचा,साहित्यधारा बहुउद्देशीय सेवाभावी संस्था, छ. संभाजीनगर ( औरंगाबाद ) च्या तर्फे " समाज-रत्न " या बहुमानाच्या पुरस्कारासह स्मृतिचिन्ह, शाल व पुष्पगुच्छ सादर प्रदान करून, स्थानिक हॉटेल मराठा च्या भव्य अशा सभागृहात, मान्यवरांच्या उपस्थितीत हृद्य सत्कार करीत असताना, संस्थेचे संस्थापक अध्यक्ष तथा स्कॉटलंड यार्ड स्टुडंट्स ब्रान्ड ॲम्बेसेडर तसेच डॉ. बाबासाहेब आंबेडकर मराठवाडा विद्यापीठ अर्थशास्त्र प्राध्यापक डॉ. संघर्ष सावळे यांनी वरीलप्रमाणे उदगार काढले. 

तसेच डॉ. संघर्ष सावळे यांना सुध्दा अध्यापन क्षेत्रातील बहुमानाचा ' भारत शिक्षण ' पुरस्कार नुकताच प्रदान झालेला असल्याने मान्यवरांच्या हस्ते त्यांचाही हार्दिक सत्कार करण्यात आला. सदर कार्यक्रम महाराष्ट्रातील दलित चळवळीचे धडाडीचे कार्यकर्ते तथा सम्राट अशोक वृत्तपत्र संपादक, बुलढाणा जिल्हा - मा. सु. मा. शिंदे यांच्या अध्यक्षतेखाली तर आपल्या सात दशकीय निर्भैळ सामाजिक कार्यासाठी साऊथवेस्टर्न अमेरिकन विद्यापीठातर्फे मानद डॉक्टरेट पदवी प्राप्त तथा ज्येष्ठ साहित्यिक, कवी, गायक, विविध वाद्यवादक, लेखक, अभिनेता, दिग्दर्शक, शाहीर तसेच बहुजन साहित्य संघाचे अध्यक्ष व केंद्रीय मानवाधिकार संगठन नई दिल्ली चे राष्ट्रीय कार्यकारी उपाध्यक्ष डॉ.विजयकुमार कस्तुरे, ॲडव्होकेट, चिखली यांच्या प्रमुख उपस्थितीत आणि ज्येष्ठ कवी व सामाजिक क्षेत्रात मानद डॉक्टरेट प्राप्त डॉ. डी. व्ही. खरात सर, चिखली व साहित्यिक क्षेत्रातील मानद डॉक्टरेट प्राप्त ज्येष्ठ कथाकार व कवी डॉ.बबनराव महामुने, हिवरा आश्रम, मेहकर,आंतरराष्ट्रीय पर्यावरण संरक्षण संस्था महाराष्ट्र पदाधिकारी ज्येष्ठ कवयित्री आयुष्मती शीतल शेगोकार तथा मा. राष्ट्रपतींच्या हस्ते कर्तव्यदक्ष पोलीस अधिकारी म्हणून पुरस्कार प्राप्त पोलीस निरीक्षक आयुष्मान चिंचोले इ. मान्यवरांच्या साक्षीने हा सौहार्दपूर्ण सोहळा पार पडला. याप्रसंगी डॉ. बबनराव महामुने, डॉ. खरात, डॉ. कस्तुरे यांनी आपल्या साहित्यप्रचूर वक्तृत्वाने सत्कार मुर्तिंबद्दलची तथा त्यांच्या समाजशील कार्याची माहिती व महती सांगून प्रत्येक माणसाने माणसाला माणसाप्रमाणे ओळखण्याची व वागण्याची कला संवर्धित केली पाहिजे आणि शासकीय, प्रशासकीय किंवा इतर कुठल्याही नोकरीमधील अधिकारी वर्गानेही अशा व्यक्तिमत्वांपासून प्रेरणा घ्यायला हवी असा संदेश दिला. आयुष्मान अंकुश पडघान यांनी गीता द्वारे प्रबोधन केले. या सोहळ्यासाठी आवर्जून उपस्थित नांदूरा, जि. बुलढाणा येथून आलेल्या आयुष्मती मंगलाताई गर्दे, आयुष्मती गोदावरीताई, तसेच ठेकेदार पवन जाधव तथा सौ. प्रिया जाधव, आयुष्मान सुहास जोशी, आयुष्मान बहुरे, आयुष्मान सोनकांबळे, औरंगाबाद इ. मान्यवरांनी उपरोक्त सत्कार मुर्तिंचा शाल व पुष्पगुच्छ देवून हृद्य सन्मान केला. ज्येष्ठ समाजसेवक आयुष्मती वैशाली तायडे यांनी आभार मानले. राष्ट्रगीताने कार्यक्रमाची सांगता करण्यात आली. संस्थेच्या वतीने सुरूचीभोजनाचे आयोजन सुध्दा करण्यात आले होते.....

 ✍️ मोहन चौकेकर